Ажәабжьқәа

Популярное

Гәыҧҩык Урыстәылатәи ихымҧадатәиу арратә маҵзура ахь ааҧхьара зауз аруаа Аҧснытәи аҭыҧ ҧшӡарақәа рахь аекскурсиақәа рзеиҿкаан

546
12.01.2018 13:12
Гәыҧҩык Урыстәылатәи  ихымҧадатәиу арратә маҵзура ахь ааҧхьара зауз аруаа Аҧснытәи аҭыҧ ҧшӡарақәа рахь аекскурсиақәа рзеиҿкаан
Ашықәсҿыцтәи аныҳәатә мшқәа раан зықьҩык инареиҳаны  Аладатәи Арратә Округ иаҵанакуа урыстәылатәи аруаа Аҧсны аҭоурыхтә ҭыҧқәа ирҭаартә аҭагылазаашьа роуит.

Аҟәа. Ажьырныҳәамза 12. Аҧсныпресс. Ашықәсҿыцтәи аныҳәатә мшқәа раан зықьҩык инареиҳаны Аладатәи Арратә Округ иаҵанакуа урыстәылатәи аруааи урҭ рҭаацәеи, иара убас гәыҧҩык Урыстәылатәи ихымҧадатәиу арратә маҵзура ахь ааҧхьара зауз аруааи Аҧсны аҭоурыхтә ҭыҧқәеи аҭыҧ ҧшӡарақәеи ирҭаартә аҭагылазаашьа роуит. Урҭ зҭааз аҭыҧ ҧшӡарақәа жәпакы иреиуоуп Амилаҭтә Афонҿыцтәи аҭоурых-культуратә ҳәарҧасарра “Анаҟоҧиа”. Абри атәы аанацҳауеит ателеканал “Звезда”. 

Аацҳамҭа излаанацҳауа ала, аекскурсиа амҩаҧгаҩ дрыцны аруаа Анаҟәаҧиатәи абааш (IV-XIX ашә.), Аҧснытәи аҳра амузеи иаҭааит, аӡиас Ҧсырцха аҭоурыхтә ҧсҭа ала аныҟәара мҩаҧыргеит. Иара убас урҭ Афонҿыцтәи аберҭыҧи Афонҿыцтәи аҳаҧы азалқәеи рыблала ирбартә еиҧш аҭагылазаашьа роуит.

Аекскурсиа иалахәыз ражәақәа рыла, адунеи аҿы иҧшьоу аныхабаа хадақәа иреиуоу Симон Канттәи иныхабаа ахь инагоу амҩахәасҭа ала рныҟәара еиҳарк ргәаҵаҿы иаанхаз иреиуоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа