Ажәабжьқәа

Популярное

Гәдоуҭа араион аҿы америкатәи аҧарҧалыкь ҳәа изышьҭоу аҧхасҭа зырҿио ахәаҷамаҷа хкы иаҿагыланы аусмҩаҧгатәқәа нарыгӡоит

129
03.07.2019 13:24
Гәдоуҭа араион аҿы америкатәи аҧарҧалыкь ҳәа изышьҭоу аҧхасҭа зырҿио ахәаҷамаҷа хкы иаҿагыланы аусмҩаҧгатәқәа нарыгӡоит
Аҧсны ақыҭанхамҩа Аминистрра аҵиаақәа рыхьчара аҟәша, америкатәи аҧарҧалыкь ҳәа изышьҭоу аҧхасҭа зырҿио ахәаҷамаҷа хкы иаҿагыланы аусмҩаҧгатәқәа нарыгӡоит.

Аҟәа. Ҧхынгәымза 3. Аҧсныпресс. Мадина Чагәааҧҳа. Аҧсны ҩаҧхьа  ицәырҵыз ақыҭанхамҩа аҿы аҧхасҭа зырҿио ахәаҷамаҷа хкы – америкатәи аҧарҧалыкь аҿагылара шымҩаҧысуа атәы Аҧсныпресс акорреспондент диҿцәажәо еиҭеиҳәеит аҧсабара ахьчареи аекологиеи рзы аҳәынҭқарратә Еилакы ахантәаҩы Витали Ҷыҭанаа.

Витали Ҷыҭанаа иҟаиҵаз адыррақәа рыла, америкатәи аҧарҧалыкь ҳәа изышьҭоу аҧхасҭа зырҿио ахәаҷамаҷа хкы Аҧсны 1992 шықәса рзы ицәырҵхьан. Аха, иалкааны ҭыҧ-ҭыҧла ахимиатә маҭәашьарқәа рыла аусадулара ашьҭахь, ари аҧхасҭа зырҿио ахәаҷамаҷа хкы ықәӡааит, иахьа уажәраанӡагьы ицәырҵуамызт. “Аҵыхәтәантәи аамҭазы Аҧсны ицәырҵуа иалагеит хыҧхьаӡара рацәала аҧхасҭа зырҿио егьырҭ ахәаҷамаҷахкқәа (аред. – адунеи акәакьқәа рыҟнытә уаанӡа иахьықәнамгалацыз аҭҧқәа рахь иаагоу ахкқәа), апальматә ҧынҵау, ашыцмца, иҩабжьоу амармалташьтә пты, америкатәи аҧарҧалыкь, уҳәа реиҧш иҟоу.  Уажәы уи еиҳараӡак Гәдоуҭа араион аҿы иуҧылоит. Аҧарҧалыкь аҵиаақәеи ашәырҵлақәеи ааха ҕәҕәа рнаҭоит”, – ҳәа иҳәеит иара.

Витали Ҷыҭанаа иажәақәа рыла, Аҧсны ақыҭанхамҩа Аминистрра аҵиаақәа рыхьчара аҟәша  америкатәи аҧарҧалыкь ҳәа изышьҭоу аҧхасҭа зырҿио ахәаҷамаҷа хкы иаҿагыланы аусмҩаҧгатәқәа нарыгӡоит. Ахимиатә маҭәашьарқәа рыла аҵиақәа активла аус рыдулара мҩаҧысуеит. “Иҳамоу ахимиатә маҭәашьарқәа ҳазхаратәы ҳаҟоуп. Имҩаҧааго аусмҩаҧгатәқәа ирыбзоураны аҧхасҭа зырҿио ахәаҷамаҷа хкы ақәхра ҳалҳаршап ҳәа агәаанагара сымоуп”, – ҳәа иҳәеит аҧсабара ахьчареи аекологиеи рзы аҳәынҭқарратә Еилакы ахада.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа