Ажәабжьқәа

Популярное

Гәдоуҭа араион аҿы 10 560 иҿыцу ахкы змоу апаспортқәа рыҭоуп

147
01.08.2018 21:02
Гәдоуҭа араион аҿы 10 560 иҿыцу ахкы змоу апаспортқәа рыҭоуп
Асҭамыр Кецба Гәдоуҭа араион ауааҧсыра паспортла реиқәыршәара иазку азҵаарақәа рзы аилатәара мҩаҧигеит.

Аҟәа. Нанҳәамза 1. Аҧсныпресс. Аҧсны аҧыза-министр ихаҭыҧуаҩ Асҭамыр Кецба  Гәдоуҭа араион ауааҧсыра паспортла реиқәыршәара иазку азҵаарақәа рзы аилатәара мҩаҧигеит. Абри атәы аанацҳауеит аминистрцәа Реилазаара аофициалтә саит. 

Аацҳамҭа излаанацҳауа ала, Аҧсны аҩныҵҟатәи аусқәа Рминистрра апаспорттә ҟәша аиҳабы Мзиа Ҳагәышь астатистикатә рбагақәа аалгеит: “Зынӡа араион аҿы апаспартизациа иахысыр рыхәҭоуп 27 нызықь-ҩык. Иахьатәи амш азы ирыҭоуп 10 560 паспорт, 400 инереиҳаны еиқәыршәоуп, аха макьаназы  ауаа ирыҭамкәа иаанханы иҟоуп”. 

Аҩныҵҟатәи аусқәа Рминистрра апаспорт Усбарҭа аиҳабы Едуард Манаргиа ижәақәа рыла, иааизакны, ареспублика аҿы еиқәыршәаны ишьҭоуп, аха макьаназы ауаа рнапы иаркым 8 нызықь инарзнаҧшуа апаспортқәа. "Уи иаанаго ҳауаажәлар шаҟа ҭакҧхықәрада ари аус иазнеиуа. Ҳара ҳганахьала апаспортизациа иадҳәалоу апроцедура армариара ҳахәаҧшраны ҳаҟоуп”, – ҳәа иҳәеит Едуард Манаргиа.

Аилатәара аихшьаалақәа ҟаҵо, Асҭамыр Кецба иарбоу аусура аганахьала ақыҭақәа рхадацәа еиҳа активла аус руцура аиҿкаара азы аҧшьгара ҟаиҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа