Ажәабжьқәа

Гәдауҭа араион автобус ҿыцқәа 6 азоужьхеит

67
19.07.2019 15:50
Гәдауҭа араион автобус ҿыцқәа 6 азоужьхеит
Аҳәынҭқарра Ахада Гәдоуҭа араион ахь аусуратә ныҟәара мҩаҧигеит.

Аҟәа. Ҧхынгәымза 19. Аҧсныпресс. Дамеи Касланӡиа. Гәдоуҭа имҩаҧысит Асоциалтә-економикатә ҿиара ацхрааразы аинвестициатә программа ахарџь ала иаахәаз араион автобусқәа фба аҭара. Аусмҩаҧгатә Аҳәынҭқарра Ахада Рауль Ҳаџьымба Гәдоуҭа араион ахь аусуратә ныҟәара аҳәаақәа ирҭагӡаны имҩаҧысит. Уи аҧхьа араион иаҭан абарҭ иреиҧшу хә-втобуск.

Араион аҟны атранспорттә ҭагылазаашьа зеиҧшроу атәы далацәажәеит Гәдоуҭа араион администрациа Ахада Руслан Ладариа: “Араионтә автобусқәа шьҭа жәашықәсоуп аус руеижьҭеи, урҭ ҧсахтәын. Иахьа араион иаҭан ашколтә автобусқәа хҧеи, ақыҭатә автобусқәа хҧеи. Ҳара ари ахҭыс даара ҳаигәырӷьеит, еиҳаракгьы, ипсахтәын иажәхьаз ашколтә автобусқәа, урҭ рныҟәгаразы имаҷымкәа аҧара аҭахын. Араион аҟны 20 қыҭа ыҟоуп, атранспорт ҿыц аҭахны иҟан. Атранспорт макьана еихшаӡам, изҭахқәоу рацәаҩуп, аха еиҳа изыхәҭоу ирыҭахоит”.

Аҧсны Аҵареи аҭҵаарадырреи рминистр Адгәыр Какоба иазгәеиҭеит автопарк ахарҭәаарала араион ашколқәа рытранспорттә уадаҩра шыӡбахо: “Хымҧада, автобусқәа рхыҧхьаӡара атәылаҿы иҟоу ашколқәа зегьы рыцыҧхьаӡа рымазартә еиҧш иҟаӡам. Аха иҳауз атранспорт ҿыц маҷк иадамхаргьы, иҟоу ауадаҩра аӡбоит, аҵаҩцәеи арҵаҩцәеи рҭагылазаашьа еиҕьнатәуеит. Арҭ автобусқәа ҳашколқәа ацхыраара ду рынаҭоит, еуеиҧшым аусмҩаҧгатәқәа раан рхы иадырхәоит, аспорттә еицлабрақәа, мамзаргьы ареспубликатә маҭәартә олимпиадақәа ракәзааит, ашколхәыҷқәа ақалақьқәеи араионқәеи рахь ргара ауадаҩрақәа ацын”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа