Ажәабжьқәа

Популярное

Фазиль Искандер диижьҭеи 90-шықәса иазкны имҩаҧгаз исахьаркны аҧхьара азы аконкурс аихшьаалақәа ҟаҵоуп

37
11.04.2019 12:34
Фазиль Искандер диижьҭеи 90-шықәса иазкны имҩаҧгаз исахьаркны аҧхьара азы аконкурс аихшьаалақәа ҟаҵоуп
Аконкурс рхы аладырхәит 9-11 аклассқәа рҵаҩцәа.

Аҟәа. Мшаҧымза 11. Аҧсныпресс. Дамеи Касланӡиа. Ф. А. Искандер ихьӡ зху аурыс драматә театр аҿы Фазиль Искандер диижьҭеи 90-шықәса иазкны исахьаркны аҧхьара азы Ареспубликатә конкурс мҩаҧысит. Аусмҩаҧгатә рхы аладырхәит, ақалақьтәии араионтәи аҧхьаҩцәа рконкурсқәа рҿы зҽалызкааз 9-11 аклассқәа рҵаҩцәа.

Аҧсны аҵарадырреи аҭҵаареи рминистр ихаҭыҧуаҩ Медеиа Ченгелиа ишазгәалҭаз ала: “Аҵарашықәс иалагӡаны Ареспублика ақалақьқәеи араионқәеи рҿы, ашәҟәыҩҩы дуӡӡа Фазиль Абдул-иҧа Искандер игәалашәара иазкны еиуеиҧшым аусмҩаҧгатәқәа мҩаҧган. Ф. Искандер иҩымҭақәа рҿы зеиҕьаҟам ала иааирҧшуан акы иаламҩашьо ижәлар гәакьа рмилаҭтә ҟазшьа. Иахьагьы, аконкурс иалаху рыбжьара ҳаҧхьаҟа ишәҟәыҩҩхараны иҟоу, убасҵәҟьа зыҧсадгьыли зыуаажәлари рыхьӡ ҭызгараны иҟоу ыҟазаргьы ҟалап!”

Аконкурс иалахәыз рыҩаӡара азшьа арҭон Аҧсны аҵарадырреи аҭҵаареи рминистр ихаҭыҧуаҩ Медеиа Ченгелиа, Аҧсны зҽаҧсазтәыз артист Џьамбул Жорданиа, аурыс драматә театр анапхгаҩы хада ихаҭыҧуаҩ Нина Балаева.

Аконкурс ҩ-категориак рыла имҩаҧысуан – “ажәеинраала”, “апроза”.

Акатегориа “апроза” аҿы:
1-тәи аҭыҧ ааникылеит Нестор Касланӡиа, Аҟәатәи абжьаратәи ашкол №1 аҵаҩы;
2-тәи аҭыҧ аанылкылеит – Амина Исаева, Очамчыратәи абжьаратәи ашкол №4 аҵаҩы;
3-тәи аҭыҧ ааныркылеит – Афонҿыцтәи абжьаратәи ашкол аҵаҩы  Иллариа Смыр, Драндатәи абжьаратәи ашкол аҵаҩы Наур Нарманиа.

Акатегориа “апоезиа” аҿы:
1-тәи аҭыҧ аанылкылеит Мариа Ҭаниа, Ҭҟәарчалтәи абжьаратәи ашкол №4 аҵаҩы;
2-тәи аҭыҧ ааникылеит – Орҳан Аҩӡба, Аҟәатәи абжьаратәи ашкол №3 аҵаҩы;
3 -тәи аҭыҧ ааныркылеит – Гал ақалақь, абжьаратәи ашкол №1 аҵаҩы Ҭемыр Зыхәбаиа, Гагра ақалақь, абжьаратәи ашкол №4 аҵаҩы Альбина Арсҭаа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа