Ажәабжьқәа

Популярное

Есышықәсатәи жәларбжьаратәи аҿар рфестиваль ”Guenos“ раҧхьаӡа акәны Очамчыра ақалақь имҩаҧысуеит

580
24.08.2015 11:24
Есышықәсатәи жәларбжьаратәи аҿар рфестиваль ”Guenos“ раҧхьаӡа акәны Очамчыра ақалақь имҩаҧысуеит
Афестиваль аҳәаақәа ирҭагӡаны аҿар злаху абрифингқәа, Ҭырқәтәылантәи, АахыҵУаҧстәыла, Приднестровие иааз ашәаҳәаҩцәеи акәашаҩцәеи рықәгылара, иара убас, асахьаҭыхыҩцәеи амоделиер ҿарацәеи русумҭақәа рцәыргақәҵа аиҿкаара азҧхьагәаҭоуп. 

Очамчыра. Август 24. Аҧсныпресс. Иарбоу аусмҩаҧгатә август 23 аҽны иаатит, август 26 рзы ихыркәшахоит. Уи аиҿкаара Очамчыра арион Ахадара аҿари аспорти рызҵаарақәа рзы аҟәшеи Ауаажәларратә еиҿкареи “Аҿар рцентр “Guenos” рхахьы иргеит. 

Акәашаратә коллективқәеи ашәаҳәаҩцәеи рықәгыларақәа, амоделиерцәа русумҭақәа раарҧшра, иара убас асахьаҭыхыҩ ҿарацәа рҭыхымҭақәа рцәыргақәҵа Афестиваль аартра апрограмма иалалеит. 

Август 24, асааҭ 11:00 инаркны 19:00 рҟынӡа апрограмма ала “Акультура аҩны аҿы акәашаратә коллективқәа рықәгылареи амоделиерцәа русумҭақәеи асахьаҭыхыҩ ҿарацәа рҭыхымҭақәеи рцәыргақәҵа мҩаҧысуеит. 

Август 25 асааҭ 20:00 рзы - С. У. Багаҧшь ихӡ зху амҩадуа ҿы Афестиваль аркра иазку ацеремониа мҩаҧысуеит. Иара убас, Афестиваль алахәылацәа аҳамҭақәа ранашьареи Аҧсны ахьыҧшымра жәларбжьаратәи азхаҵара амш азгәаҭара иадҳәалоу агала-концерти еиҿкаахоит. 

Август 26, асааҭ 19:00 рзы Аҟәа ақалақь ахь аекскурсиа амҩаҧгара. Анаҩс, “Москва Аҩны“ аҿы афестиваль алахәылацәа рзы агәырҕьаратә хәылҧазы еиҿкаахоит. 

Аспонсор хада – иарку акционертә Еилазаара “Аквафон - GSM”. Аиформациатә цхырааҩцәа – Ареспубликатә Аҳәынҭқарратә Усбарҭа Аҧснытәи Аҳәынҭқарратә Ателе - радио Еилазаара, Аҳәынҭқарратә информациатә Маҵзура “Аҧсныпресс”, арадио “ Ҳара ҳрадио”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа