Ажәабжьқәа

Популярное

Есма Кәҵниаԥҳа: ари акциа – аҿар рхатәы бызшәала ицәажәаларц азы ааԥхьароуп

1953
14.10.2015 16:41
Есма Кәҵниаԥҳа: ари акциа  –  аҿар рхатәы бызшәала ицәажәаларц азы ааԥхьароуп
Аҿари аспорти рзы аҳҭнықалақьтә Еилакы аԥсуа бызшәа Амш аҽны- “Аҿар, аԥсышәала шәцәажәала!” ҳәа хыс измоу акциа амҩаԥгара ргәы иҭоуп. 

Аҟәа. Октиабр 14. Аԥсныпресс. Лана Ҵәыџьԥҳа. Апроект октиабр 27, аԥсуа бызшәа Амш аҽны ишхацыркхогьы, уи анагӡара ашықәс нҵәаанӡа имҩаԥыслоит, – ҳәа “Аԥсныпресс” акорреспондент диҿцәажәо илҳәеит аҿари аспорти рызҵаарақәа рзы аҳҭнықалақьтә Еилакы аспециалист хада Есма Кәыҵниаԥҳа. 

“Ари акциа – аҿар рхатәы бызшәала ицәажәаларц азы ааԥхьароуп. Ҳара иҟаҳҵаз аҳәарала, адизаинерцәа аҿар рыблаҿы иааиуа исахьарку амакетқәа еиқәдыршәоит. Иара убас, Аҟәатәи абжьаратәи ашколқәа зегьы рҿы, акциа ахьӡ зну афото аҭыхразы аҭӡытә ӷәқәа (тантамарески) шьақәыргылахоит. Уа агәаларшәагатә фотосахьақәа рыҟаҵаразы алшара ҟалоит. 

Апроект аҿы аполлиграфиа инарҭбааны ахархәара аиуеит: абаннерқәа, алаҳәагақәа, ақәырҷабгақәа, “Аҿар, аԥсышәала шәцәажәала!” ҳәа алозунг зну агәлаҵақәа уҳәа, акциа алахәылацәа ашколқәеи еиуеиԥшым аҭыԥқәеи рҿы ауааԥсыра ирыладырҵәоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа