var _ba = _ba || []; _ba.push(["aid", "09660acced7930fc288966bc3ec915ee"]); _ba.push(["host", "apsnypress.info"]); (function() {var ba = document.createElement("script"); ba.type = "text/javascript"; ba.async = true;ba.src = (document.location.protocol == "https:" ? "https://" : "http://") + "bitrix.info/ba.js";var s = document.getElementsByTagName("script")[0];s.parentNode.insertBefore(ba, s);})();
Ажәабжьқәа

Популярное

Ҭемыр Ҧачлиа: "Ииаҵәоу ақалақь" ҳәа изышьҭоу акциа Очамчыра ақалақь аҿы ихацыркхоит

225
16.03.2017 14:49
Ҭемыр Ҧачлиа: "Ииаҵәоу ақалақь" ҳәа изышьҭоу акциа Очамчыра ақалақь аҿы ихацыркхоит
Акурорттә аамҭахәҭа аламҭалазы аҿари аспорти рзы араионтә ҟәша Очамчыра ақалақь Амуниципалтә Унитартә Наплакы “Ариаҵәаратә нхамҩа” ацхыраарала акциа “Ииаҵәоу ақалақь” мҩаҧнагоит.

Аҟәа. Хәажәкыра 16. Аҧсныпресс. Мадина Чагәааҧҳа. Уаҵәы, Очамчыра ақалақь аҿы “Ииаҵәоу ақалақь” ҳәа изышьҭоу акциа хацыркхоит. Иарбоу аусмҩаҧгатә аҿари аспорти рзы араионтә ҟәша Очамчыра ақалақь Амуниципалтә Унитартә Наплакы “Ариаҵәаратә нхамҩа” ацхыраарала имҩаҧнагоит. Аҧсныпресс акорреспондент диҿцәажәо, акциа апланқәа рзы адырра ҟаиҵеит Очамчыра араион Ахадара аҿари аспорти рыҟәша аиҳабы Ҭемыр Ҧачлиа.

Ҭемыр Ҧачлиа иҟаиҵаз адыррақәа рыла, акциа “Ииаҵәоу ақалақь” амҩаҧгара акурорттә аамҭахәҭа аламҭалазы иазҧхьагәаҭоуп. “Аҧхынра аламҭалазы ҳара ақалақь ариаҵәара иазку аусмҩаҧгатәқәа рынагӡара ҳаӡбеит. Уаҵәы акциа "Ииаҵәоу ақалақь" хацыркхоит", – ҳәа иҳәеит иара.

Ҭемыр Ҧачлиа иажәақәа рыла, араион Ахадара акциа амҩаҧгара азы аҧара азоунажьит. “Уажәы ҳара ашәҭқәеи егьырҭ аҵиаақәеи реиҭаҳатәқәа аахәаны иҳамоуп”, – ҳәа иҳәеит Ҭемыр Ҧачлиа.

Ҭемыр Ҧачлиа ишазгәеиҭаз ала, аӡәырҩы акциа аҽалахәра азы агәазыҳәара аадырҧшит, иара убас ақалақь аҿы иҟоу аусбарҭақәа, анаплакқәа, аиҿкаарақәа жәпакы акциа рҽаладырхәраны иҟоуп. Ауаа рхатәы еиҭаҳатәқәа ааргоит, урҭ доусы рыҩнқәеи, мамзаргьы русуратә ҭыҧқәа рааигәа-сигәа еиҭарҳауеит. Уаҵәы ақалақь араиаҵәара ҳара амшын аҧшаҳәа аҟынтәи ҳалагоит, анаҩс амҩаду хада ахь ҳаиасуеит, уи аамышьҭахь, Аҧсны Раҧхьаӡатәи Ахада Владислав Григори-иҧа Арӡынба ихьӡ зху аплошьад ахь ҳхы ҳархоит”, – ҳәа иҳәеит Ҭемыр Ҧачлиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа