Ажәабжьқәа

Популярное

Егрытәи аӡфымцастанциа аҿы ақырҭуеи аҧсуеи енергетикцәа изаамҭанытәиу реиҧылара мҩаҧысит

564
24.08.2015 10:58
Егрытәи аӡфымцастанциа аҿы ақырҭуеи аҧсуеи енергетикцәа изаамҭанытәиу реиҧылара мҩаҧысит
Аиԥылараҿы атехникатә усеицура азҵаарақәа ирылацәажәан. 

Аҟәа. Август 24. Аҧсныпресс. Егрытәи аӡфымцастанциа аҿы ақырҭуеи аҧсуеи енергетикцәа изаамҭанытәиу реиҧылара мҩаҧысит. Атехникатә усеицура азҵаарақәа ирылацәажәан. 

 Мраҭәашәаратәи Қырҭтәыла иҟалаз аарҩара иахҟьаны Егрытәи аӡфымцастанциа ахыргьагьатә ӡыхкыраҿы аӡы аҩаӡара 17 метра рыла илаҟәит. Аҵыхәтәан ариаҩыза жәашықәсақәа раҧхьа иҟалахьан. Иара убас аҳәаа аҩганк рганахьала иҟоу афымца цәаҳәақәа рықәыҕәҕәара акырӡа иҳаракхеит. Убри инамаданы, иааиуа ҭагалани аӡынреи раамҭа инақәыршәаны Егрытәи аӡфымцастанциа еиҧҟьарада аусура аҽазыҟаҵара азҵаара иалацәажәеит. 

Аҧсуа ган ахаҭарнакцәа раҳасабала аиҧылара иалахәын Ареспубликатә Аунитартә Наплакы “Амшынеиқәафымцамч” анаҧхгаҩы хада А. Басариа, Жәлар Реизара – Апарламент адепутат А. Бжаниа, уҳәа егьырҭгьы. Ақырҭуа ган – Қырҭтәыла аенергетика аминистр ихаҭыҧуаҩцәа И. Елошвили, И. Хмаладӡе. 

Абри атәы аанацҳауеит Ареспубликатә Аунитартә Наплакы “Амшынеиқәафымцамч” апресс - маҵзура.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа