Ажәабжьқәа

Популярное

Донецктәи Жәлартә Республика еизгоу акоманда косики карате азы Аԥсны ахраҿа агаразы иаарту атурнир аҟны актәи аҭыԥ ааннакылеит

548
17.08.2015 16:34
Донецктәи Жәлартә Республика еизгоу акоманда косики карате азы Аԥсны ахраҿа агаразы иаарту атурнир аҟны актәи аҭыԥ ааннакылеит
Агәыӡера косики карате азы Аԥсны ахраҿа агаразы ахԥатәи иаарту атурнир хыркәшахеит. 

Аҟәа. Август 17. Аԥсныпресс. Атурнир з тәылак рҟынтәи 12 команда алахәын, 40 еиуеиԥшым ақәратә категориақәа рыла 100-ҩык аспортсменцәа. 

Азеиҧшкомандатә зшьа аҿы Донецктәи Жәлар Республика косики карате азы Афедерациа актәи аҭыҧ аанакылеит. Аҩбатәи – Аҧсны киокусинкаи карате Афедерациа. Ахҧатәи – 

Аҧсны косики карате азы Аҧснытәи агәыҧ. Аҧсны косики карате Афедерациа ахантәаҩы “Аҧсныпресс” акорреспондент даниҿцәажәоз ишазгәеиҭаз ала, Донецктәи Жәлар Республика аҟынтәи еизгоу акоманда раҧхьаӡа акәны атурнир рхы аладырхәит. 


“Донецктәи Жәлар Республика аҟынтәи еизгоу акоманда ацхырра ду аиҭеит хатәгәаҧхарала уа еибашьуа Ахра Аҩӡба. Уи ибзоурала ари еизгоу акоманда атурнир алахәхаразы алшара роуит, ҭабуп ҳәагьы иаҳҳәоит Ахра Аҩӡба иҟаиҵаз адгыларазы”, – ҳәа инаҵшьны иазгәеиҭеит Демис Адлеиба. Ари атурнир имҩаҧгахо адунеи Ачемпионат аҧхьа Урыстәылеи Аҧсни аспортсменцәа рзы азыҟаҵаратә ҩаӡараны иҟоуп. 

“Ҳара ҳфедерациа азы ари атурнир 2017 шықәсазы Москва имҩаҧысраны иҟоу адунеи Ачемпионат ахь ааҧхьара иаҳзаҩызоуп, Урыстәыла еизгоу акоманда – 2016 шықәсазы Иапониа имҩаҧгахо адунеизегьтәи Ачемпионат ахь”, – ҳәа иазгәеиҭеит Демис Адлеиба. 

Абҩарҵәыреи аспорти рзы Аҳәынҭқарратә еилаки Аҧсны косики карате Афедерациеи – атурнир аиҿкааҩцәа роуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа