Ажәабжьқәа

Популярное

Дмитри Гәарамиа: аҵарадырра аусхкы аганахьала зегьы реиҳа иҧхьагылоу атәылақәа иреиуоу аҳәынҭқарра, ҳара ҳҵарадырра иара астандартқәа ишрықәшәо азханаҵоит

1132
03.05.2018 17:01
Дмитри Гәарамиа: аҵарадырра аусхкы аганахьала зегьы реиҳа иҧхьагылоу атәылақәа иреиуоу аҳәынҭқарра, ҳара ҳҵарадырра иара астандартқәа ишрықәшәо азханаҵоит
Апарламент адепутатцәа Аҧсны Аҳәынҭқарреи Урыстәылатәи Афедерациеи Рнаҧхгарақәа рыбжьара аҵарадырреи азанааҭдырра аҩаӡареи разхаҵара азы аҩганктәи Аиқәшаҳаҭра аратификациа азыруит.

Аҟәа. Лаҵарамза 3. Аҧсныпресс. Мадина Чагәааҧҳа. Аҧсны Жәлар Реизара – Апарламент аилатәара аҿы “Аҧсны Аҳәынҭқарреи Урыстәылатәи Афедерациеи Рнаҧхгарақәа рыбжьара аҵарадырреи азанааҭдырра аҩаӡареи разхаҵара азы аҩганктәи Аиқәшаҳаҭра аратификациа азы ”Аҧсны Аҳәынҭқарра Азакәан апроект иахәаҧшит. 

Асессиа ахь ааҧхьара змаз Аҧсны аҵарадырреи аҭҵаареи  рминистр ихаҭыҧуаҩ инапынҵақәа назыгӡо Дмитри Гәарамиа иарбоу аусшәҟәы иаҵоу аҵакы ахадара далацәажәеит: “Ари Аиқәшаҳаҭрақәа ҳастудентцәеи ҳабитурентцәеи ироуа ауадаҩрақәа жәпакы аӡбара иазырхоуп. Аиқәшаҳаҭра атехникатә ҟазшьа зызку, – ААУ аҿы ироуа адипломқәа Урыстәылатәи Афедерациа аҿы алигализациа ахысра хымҧадатәны иҟоуп. Уи иадҳәалоу апроцедура мариаӡам. Аиқәшаҳаҭра аполитикатә ган акәзар- Урыстәылатәи Афедерациа иҟоу аҵарадырра ахаҭабзиара аҩаӡара Аҧсны Аҳәынҭқарра иҟоу аҵарадырра аҩаӡара иаҟараны иҟанаҵоит. Уи аҵарадырра аусхкы аганахьала зегьы реиҳа иҧхьагылоу атәылақәа иреиуоу аҳәынҭқарра, ҳара ҳҵарадырра иара астандартқәа ишрықәшәо азханаҵоит ауп иаанаго. Ҳаҧхьаҟа иарбоу Аиқәшаҳаҭра ацҵара аҳасабала, “Аҭҵааратә хьыӡқәеи аҩаӡарақәеи рзы” Аиқәшаҳаҭра анапаҵыҩра азҧхьагәаҭоуп. Иарбоу азҵаараҿы Урыстәылатәи Афедерациа аҟынтәи адгылара ҳамоуп. Уи Аҧсны “Аҵарадырра азы” Азакәан шыҟамгьы, иарбоу Аиқәшаҳаҭра аратификациа азура иазхьиоуп ҳәа адырра ҳаухьеит.

Аҧарламент адепутатцәа Аиқәшаҳатра аратификациа азура азы рыбжьы рҭиит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа