Ажәабжьқәа

Денис Чачхалиа иубилеи азгәеиҭоит

660
21.08.2015 11:25
Денис Чачхалиа иубилеи азгәеиҭоит
Рауль Ҳаџьымба Денис Чачхалиа 65 шыкәса ихыҵра идиныҳәалеит. 

Аҟәа. Август 21. Аҧсныпресс. адныҳәалараҿы иаҳәоит: 

“Ҳаҭыр зқәу Денис Кьыршьал-иҧа! 

Гәык-ҧсыкала шәиижьҭеи 65 шықәса аҵра шәыдысныҳәалоит. 

Аҧсни Урыстәылеи еицырдыруеит шәара шәлитературатәи, шәҭоурыхҭҵааратәи усура алҵшәақәа. А.М. Горки ихьӡ зху Москватәи алитературатә институт аҿы шәҵара хыркәшаны, агазеҭ “Советская Абхазия» аредақциа, Аҧсны ашәҟәыҩҩцәа Реидгыла, иара убас Москватәи алитературатә институт аҿы, аҧсуа поезиеи апрозеи рсеминар анапхгаҩыс қәҿиарала аус жәуан. 

Аҧсни Урыстәылеи ашәҟәыҩҩцәа Реидгыла шәалоуп. Шәҩымҭақәа Аҧсни уи аҭоурыхи ртема рахәыц ҟаҧшьны иргәылсуеит. Хаз шәҟәны иҭыҵхьеит шәлирикатә еизгақәа жәпакы. Шәара шәкалам-ҧынҵа иҵшәыжьхьеит А. Пушкин, Ф. Тиутчев, А. Блок, С. Есенин, А. Ахматова, Гиоте, Шиллер уҳәа раҧҵамҭақәа зеиҕьаҟам аиҭагақәа. Аҧсшәаҟынтә аурысшәахь ҟазарыла еиҭажәгахьеит Д. Гәлиа, И. Коҕониа, Б. Шьынқәба,Кь. Чачхалиа, А. Аџьынџьал, Т. Аџьба, Г. Аламиа, Р. Смыр ражәеинраалақәа. С. Ҷанба ихьӡ зху Аҧсуа ҳәынҭқарратә драматә театр асценаҿы иқәдыргылахьеит шәыдраматә рҿиамҭа “Али- Беи” иалху, Нелли Ешба режиссиорс дызмоу аспектакль. 

Шәахьыҟазаалакь аҧсуа традициақәа, ҳмилаҭтә доуҳатә культура аӡыргара шәҽазышәшәоит. Шәыруаӡәкуп москватәи аҧсуа диаспора рхеилак ацхыраара азҭо, ҧхьаҟа изго ҳинтеллигенциа рхаҭарнакцәа нагақәа. 

Ишәзеиҕьасшьоит агәамч ҕәҕәа, аманшәалара, ҧхьаҟатәи арҿиаратә иааирақәа!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа