Ажәабжьқәа

Популярное

Денис Ҭаниа: арҩышьыгатә маҭәашьарқәа здызкыло амилициа аусзуҩцәа раарҧшра иазку аусура хымҧада ирҕәҕәатәуп

167
03.11.2017 14:02
Денис Ҭаниа: арҩышьыгатә маҭәашьарқәа здызкыло амилициа аусзуҩцәа раарҧшра иазку аусура хымҧада ирҕәҕәатәуп
Аҧсны аҩныҵҟатәи аусқәа Рминистрра аҿы 2017 шықәса жәымз ирылагӡаны ахылаҧшырҭа аусура аихшьаалақәа рыҟаҵара иазкны инарҭбаау аилатәара мҩаҧысит.

Аҟәа. Абҵарамза 3. Аҧсныпресс. Дамеи Касланӡиа. Аколлегиа инарҭбаау аилатәара аҿы  аҩныҵҟатәи аусқәа Рминистрра Аштаб анаҧхгаҩы ихаҭыҧуаҩ Денис Ҭаниа ахатәы шәарҭадара Аусбарҭа аусура аинамаданы адыррақәа ҟаиҵеит.
 
Убас, уи иҟаиҵаз ажәахә ала, ахатәы шәарҭадара Аусбарҭа ала 43 амаҵзуратә усмҩаҧгатәқәа мҩаҧган. Урҭ рыла 52-ҩык Аусбарҭа аусзуҩцәа адисциплинартә хьырхәра иақәыршәахеит.

Имҩаҧгаз агәаҭарақәа рзеиҧш хыҧхьаӡара аҟынтәи апрокуратура Хада ашҟа 8 материалк нашьҭуп, урҭ рахьынтә 2- Аҳәынҭқарра Ахада Иусбарҭа ахь.

Амаҵзуратә гәаҭара ала иҟоу егьырҭ аматериалқәа рыла абас еиҧш аӡбамҭақәа рыдыркылеит: 5-ҩык аусзуҩцәаргәы ргәыҽанҵоуп, 12 -ҩык амаҵзуратә леишәа аилагара азы иҕәҕәоу алахьыҭара роуит, 15 -ҩык рхатәы ус ахь алагаларала алахьыҭара роуит, 7-ҩык аусзуҩцәа “Амилициа азы” Аҧсны азакәан ахәҭаҷ 17 инақәыршәаны рмаҵзураҭыҧ аҟынтәи рхы иақәиҭтәын. Аӡәы имаҵзуратә чын аҿы дларҟәын, аӡәы изы аҧышәаратә ҽҳәара иацҵан, 3-ҩык егьырҭ амаҵзурақәа рахь ииагоуп.

Денис Ҭаниа иажәахә хыркәшо иазгәеиҭеит: “арҩышьыгатә маҭәашьарқәа здызкыло амилициа аусзуҩцәа раарҧшра иазку аусура хымҧада ирҕәҕәатәуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа