Ажәабжьқәа

Даур Ақаҩба Сандинисттәи ареволиуциа 40-шықәса ахыҵра инамаданы имҩаҧгахо аныҳәатә усмҩаҧгатәқәа ихы алаирхәраны дыҟоуп

71
18.07.2019 11:40
Даур Ақаҩба Сандинисттәи ареволиуциа 40-шықәса ахыҵра инамаданы имҩаҧгахо аныҳәатә усмҩаҧгатәқәа ихы алаирхәраны дыҟоуп
Аҧсны адәныҟатәи аусқәа рминистр Ареспублика Никарагуа иҭаара аҳәаақәа ирҭагӡаны, атәыла анапхгара ахаҭарнакцәа рҧыларақәа жәпакы азҧхьагәаҭоуп.

Аҟәа. Ҧхынгәымза 18. Аҧсныпресс. Аҧсны адәныҟатәи аусқәа рминистр Даур Ақаҩба Сандинисттәи ареволиуциа 40-шықәса ахыҵра инамаданы имҩаҧгахо аныҳәатә усмҩаҧгатәқәа ихы алаирхәразы ҧхынгәымза 17 рзы Ареспублика Никарагуа ахь амҩа дықәлеит. Абри атәы аанацҳауеит Аҧсны адәныҟаполитикатә Хылаҧшырҭа аофициалтә саит.

Аацҳамҭа излаанацҳауа ала, Аҧсны адәныҟатәи аусқәа рминистр Ареспублика Никарагуа иҭаара аҳәаақәа ирҭагӡаны, атәыла анапхгара ахаҭарнакцәа рҧыларақәа жәпакы азҧхьагәаҭоуп.  Иарбоу аиҧыларақәа рҿы аҧсуа-никарагуатәи аизыҟазаашьақәеи аусеицуреи анаҩстәи рыҿиара иадҳәалоу азҵаарақәа жәпакы ирылацәажәараны иҟоуп.


(АП): Сандинисттәи ареволиуциа, ҧхынгәымза 19, 1979 шықәса рзы  Никарагуа аҳра зуаз Анастасио Сомоса ирежим ахыбгаларала ихыркәшахеит. Убри инаркны ари амш ареспубликаҿы аҳәынҭқарратә ныҳәак аҳасабала иазгәарҭоит.

Цәыббрамза 3, 2008 шықәса рзы Ареспублика Никарагуа Аҧсны Аҳәынҭқарра ахьыҧшымра азханаҵеит, цәыббрамза 10, 2009 шықәса рзы Аҧсни Никарагуеи адипломатиатә еизыҟазаашьақәа рыбжьарҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа