Ажәабжьқәа

Популярное

Даур Ақаҩба: Ҳара Ҭырқәтәылатәи Ареспубликаҿы иҟоу Алхратә комиссиа Хада ахаҭарнакцәа рҟынтәи алхырҭатә ҭыҧхада аусура зхацыркымыз аганахьала аҳасабырба ҳазыҧшуп

69
25.08.2019 12:50
Даур Ақаҩба: Ҳара Ҭырқәтәылатәи Ареспубликаҿы иҟоу Алхратә комиссиа Хада ахаҭарнакцәа рҟынтәи алхырҭатә ҭыҧхада аусура зхацыркымыз аганахьала аҳасабырба ҳазыҧшуп
Аҧсны Аҳәынҭқарра Ахада иалхрақәа мҩаҧысуеит.

Аҟәа. Нанҳәамза 25. Аҧсныпресс. Ҭамара Ачба. Аҧсны алхратә комиссиа Хада жәларбжьаратәи апресс-центр “Аҧсны Аҳәынҭқарра Ахада иалхрақәа – 2019” аҿы атәыла адәныҟатәи аусқәа рминистр Даур Ақаҩба аҳәынҭқарра анҭыҵ иҟоу алхыҩцәа рыбжьыҭира аиҿкаара шымҩаҧгоу атәы далацәажәеит.

Даур Ақаҩба иҟаиҵаз адыррақәа рыла, алхратә комиссиа Хада ҧхынгәымза 15, 2019 шықәса рзы иаднакылаз аӡбамҭа инақәыршәаны, Аҧсны Аҳәынҭқарра Ахада иалхрақәа аҳәаанырцә рымҩаҧгаразы алхырҭатә ҭыҧхадақәа 3 аҧҵоуп.

Алхырҭатә ҭыҧхадақәа аҧҵоуп Урыстәылатәи Афедерациеи Ҭырқәтәылатәи Ареспубликеи рҿы. Уажәазы Урыстәылатәи Афедерациа, Москва ақалақь аҿы абри аҭыӡҭыҧ ала: Донскаиа амҩа, аҩны №18/7, аргылара 1, Черкесск ақалақь аҿы абри аҭыӡҭыҧ ала: Первомаискаиа амҩа, аҩны №26. Азакәанҧҵара инақәыршәаны, иарбоу аучасткақәа русура хацыркын ашьжьымҭан, асааҭ 8:00 рзы, иаркхоит асааҭ  20:00 рзы.

Даур Ақаҩба Ҭырқәтәылатәи Ареспублика, ақалақь Сҭампыл аҿы алхратә ҭыҧхада иадҳәаланы ишьақәгылаз аҭагылазаашьа далацәажәеит: “Иҟоу адыррақәа рыла, иарбоу алхырҭатә ҭыҧхада ашьжьымҭан, асааҭ 8:00 рзы иаартымызт, аусурагьы иаламгаӡеит. Уажәы ҳара Ҭырқәтәылатәи Ареспубликаҿы иҟоу Алхратә комиссиа Хада ахаҭарнакцәа рҟынтәи алхырҭатә ҭыҧхада аусура зхацыркымыз аганахьала аҳасабырба ҳазыҧшуп. Адыррақәа шааҳаулак еиҧш, алхратә комиссиа Хада ахаҭарнакцәа инарҭбаау аинформациа аларҵәара алдыршоит”.

Иара убас, Даур Ақаҩба аҳәаанырцә иҟоу алхратә комиссиақәа реилазаара азы адырра ҟаиҵеит: "Москва ақалақь аҿы, алхырҭатә ҭыҧхада алхратә комиссиа аилазаара 11-ҩык рыла ишьақәгылоуп, Черкесск ақалақь аҿы – 12 ҩык рыла".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа