Ажәабжьқәа

Популярное

Дӡиӡариа ихьӡ зху амҩадууи Адыгаа рымҩадууи реихысырҭа аҿы аиҭашьақәыргыларатә усурақәа мҩаҧысуеит

142
08.11.2017 14:51
Дӡиӡариа ихьӡ зху амҩадууи Адыгаа рымҩадууи реихысырҭа аҿы аиҭашьақәыргыларатә усурақәа мҩаҧысуеит
Амуниципалтә Унитартә Наплакы “Аӡыканал” Аҟәа ақалақь Дӡиӡариа ихьӡ зху амҩадууи Адыгаа рымҩадууи реихысырҭа аҿы аиҭашьақәыргыларатә усурақәа мҩаҧнагоит.

Аҟәа. Абҵарамза 8. Аҧсныпресс. Дамеи Касланӡиа. Амуниципалтә Унитартә Наплакы аҳҭнықалақь, Дӡиӡариа ихьӡ зху амҩадууи Адыгаа рымҩадууи реихысырҭа аҿы аӡымҩангагатә система аиҭашьақәыргылара мҩаҧнагоит. Аусурақәа Аинвестициатә программа аҳәаақәа ирҭагӡаны имҩаҧысуеит.



Амуниципалтә Унитартә Наплакы “Аӡыканал” аиҳабы Ҭенгиз Кәыҵниа аусурақәа рымҩаҧысшьа азы адыррақәа ҟаиҵеит: “Ажәытә ӡымҩангага ақәгареи аҿыц система ашьақәыргылареи азҧхьагәаҭаны иҳамоуп. Аусурақәа анхыркәшахалак ашьҭахь, аҩнеихагылақәа рҿы аӡыржәтә анашьҭреи уи ахалара амчи акыр еиҕьхоит. 2 километрак рҟынӡа инаӡо аӡымҩангагақәа ҧсахтәны иҳамоуп”.



Убри аан, Ҭенгиз Кәыҵниа аиҭашьақәыргыларатә усурақәа рымҩаҧгара аамҭа иалагӡаны ӡыла аиқәыршәара аанкылара аграфик азы адырра ҟаиҵеит. Убас, ахашаҽны ақалақь агәи уи аҩадаратә хәҭеи, Аҳабла Ҿыц, Аихамҩатә Ҳаблеи ВИЕМи иахьаҵанакуа 00:00 инаркны 23:00. рҟынӡа аӡыржәтә анашьҭра аанкылахоит.



Иара убас, Ҭенгиз Кәыҵниа иҟаиҵаз алкаақәа рыла, Аинвестициатә Программа аҳәаақәа ирҭагӡаны аиҧш-зеиҧшу аусурақәа Аҳабла Ҿыц аҿы амҩаҧгара азҧхьагәаҭоуп. "Ҳара излауа ала аеффективра аҵаны аусура ҳҽазаҳшәоит, есыҽны аӡыцәцарақәа аанаҳкылоит, ихымҧадатәиу аиҭашьақәыргыларатә усурақәа мҩаҧаагоит. Аха ҳара еиҕьны аус ҳуртә ҳҟалоит, иахәҭоу аиқәыршәагақәа рыла ҳаибыҭахоит, аусзуҩцәа руалафахәы ашьҭыхразы алшара ҳауеит, уҳәа аҭагылазаашьа акыр аҽеиҭанакуеит абонентцәа ианаамҭоу ирыхәҭоу ашәатәқәа ршәо иалагар. Уажәазы ауааҧсыра “Амуниципалтә Унитартә Наплакы “Аӡыканал” иазыршәо ашәатәы уи иахәҭоу аицҵалыҵ аҟынтәи 22% рҟынӡа ауп иахьынаӡо”, – ҳәа инаҵшьны иазгәеиҭеит Амуниципалтә Унитартә Наплакы аиҳабы Ҭенгиз Кәыҵниа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа