Ажәабжьқәа

Болгариатәи аусдкылаҩцәа Аҧсныҟа аинвестициақәа ралагалара иазхиоуп

163
04.07.2018 19:54
Болгариатәи аусдкылаҩцәа Аҧсныҟа аинвестициақәа ралагалара иазхиоуп
Аҧсны анаҧхгара ахада Болгариантәи аусдкылаҩцәа рделегациа идикылеит.

Аҟәа. Ҧхынгәымза 4. Аҧсныпресс. Аҧыза-министр Геннади Гагәылиа Болгариантәи аусдкылаҩцәа рделегациа идикылеит. Аделлегациа наҧхгара аиҭоит акорпорациа “Lev Corporation” анагӡаратә наҧхгаҩы Павел Димитров.

Аацҳамҭа аҿы иаҳәоит: “Болгариа аусуратә еилазаара ахаҭарнакцәа ареспублика аилкааратә хықәкы ала иаҭааит. Аҭаара ахықәкы хада – аҩҳәынҭқаррак рыбжьара иҟоу ахәаахәҭа-економикатә еимадара аҳәаақәа рырҭбаара ауп. Асасцәа Аҧсны аинвестициазы ахшыҩзышьҭра зуҭаша тәыланы ишыҟоу азгәарҭеит. Убри аан, урҭ ареспублика аҧсабаратә ресурсқәа рыла акыр ишбеиоу азгәарҭеит. “Ҳара иаадыруеит Аҧсны шамахамзар уаҳа џьаргьы иуҧымло, ахәырма, афеихуа, уҳәа реиҧш иҟоу асубтропикатәи атропикатәи ашәырқәа ишрызҳауа. Урҭ аус рыдулараан ирылҵуеит акондитертә усхкы аҿы акыр ихәарҭоу аалыҵ”, – ҳәа иҳәеит Павел Димитров. Уи ишазгәеиҭаз ала, Болгариа иҟоу аусдуларатә ааглыхра атехнологиа Аҧсныҟа иалоугаларгьы ҟалоит. 

Геннади Гагәылиа ари ажәалагала даара хра злоу акакәны ишыҟоу азгәеиҭеит, избан акәзар “Аҧсны изызҳауа ашәырқәа хҧа-ҧшьба хкы роуп аекспортла идәықәҵахо, егьырҭ ахкқәа рҕьырак баша иҧхасҭахоит”. “Адунеитә ашәыри ауҭратыхи рџьармыкьа алахәылацәа реиҳарак“ раалыҵ аусдулара шхымҧадатәиу еилыркаауеит”, – ҳәа иҳәеит Геннади Гагәылиа. 

Аганқәа иара убас ахаҳә аусдулара азы ҳаамҭазтәи атехнологиақәа Аҧсны рхархәара иадҳәалоу азҵаарақәагьы ирылацәажәеит. “Ҳара Аҧсны аҩныҵҟа ахаҳә иалху амаҭәахә аҟаҵара алзыршо апроект анагӡара ҳазхиоуп”, – ҳәа иҳәеит болгариатәи аделегациа ахаҭарнак, амармалташьи ашьхахаҳәи аусдулара аганахьала аексперт Митко Боиаджиев. 

Митко Боиаджиев иҟаиҵаз адыррақәа рыла, аҧсабаратә хаҳә иалху аргыларатә маҭәахәқәеи ахаҳә иалху амаҭәарқәеи адунеи атәылақәа жәпакы рҿы иҟарҵоит. Болгариагьы урҭ рхыҧхьаӡараҿы иҟоуп. Араҟа жәаба инареиҳаны аҳаҳә аусдулара ахкқәа ыҟоуп, ахаҳәусдулара азы аиқәыршәагақәа ракәзар, урҭ рхыҧхьаӡара шәкы иреиҳауп. 

Аделегациа ҧхынгәымза 6 рҟынӡа  Аҧсны иҟазаауеит. Аҭаара апрограмма аҿы иҟоуп Аҧсны аекономика Аминистрра аҿы аиҧыларақәа, иара убас Зҭакҧхықәра ҳәаақәҵоу Аилазаара “Аҧсны аҩқәеи аӡқәеи” рзауади, зусура болгариатәи аҭаҭынтә аӡа ала ишьаҭарку атаҭынҟаҵарҭатә цех “Леон”аҭаара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа