Ажәабжьқәа

Популярное

Беслан Быҭәбеи Беслан Ҭарбеи аҩбатәи атур ахь инеит.

327
23.07.2012 10:51

Амҽышаҽны, ԥхынгәымза 22 рзы, имҩаԥысит Ҷлоутәи алхырҭатә ҭыԥ №26 ала Аԥсны Жәлар Реизарахь изаамҭанытәим алхрақәа. Хҩык акандидатцәа ықәгылан: Беслан Быҭәба, Беслан Ҭарба, Аполлон Шьынқәба. Алхыҩцәа рсиа ианыз 2804-ҩык рҟынтәи, 2040-ҩык рыбжьы рҭиит. Убри ала алхрақәа мҩаԥысит ҳәа иԥхьаӡан.

32 алхратә бӷьыц бжьыхын ҳәа иԥхьаӡан. Беслан Быҭәба изы рыбжьы рҭиит 920-ҩык алхыҩцәа, Беслан Ҭарба изы 647-ҩык, Аполлон Шьынқәба изы 441-ҩык. Акандидатцәа рҟынтәи аӡәгьы 50%-и +1 бжьы ахьырмоуз иахҟьаны аҩбатәи атур ҟалоит. Азакәан инақәыршәаны уи мҩаԥгахоит ҩымчыбжь рышьҭахь, 2012 ш. нанҳәамза 5 рзы.

Алхрақәа еилагарада имҩаԥысит.

Ари алхырҭатә ҭыԥ аҿы изаамҭанытәим алхрақәа мҩаԥысуеит адепутат Ҭемыр Логәуа иԥсҭазаара дахьалҵыз иахҟьаны.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа