Ажәабжьқәа

Бенур Шьынқәба аиубилеитә усмҩаҧгатәқәа реиҿкааҩцәа ҭабуп ҳәа реиҳәеит

145
15.05.2017 13:50
Бенур Шьынқәба аиубилеитә усмҩаҧгатәқәа реиҿкааҩцәа ҭабуп ҳәа реиҳәеит
Жәлар рпоет диижьҭеи 100- шықәса аҵра иазку аиубилеитә усмҩаҧгатәқәа реиҿкаареи рымҩаҧгареи рзы Аҧсны Ахада рашәарамза 26, 2016 шықәсазы иҭижьыз Аусҧҟа инақәыршәаны аҳәынҭқарратә комиссиа аҧҵан.

Аҟәа. Лаҵарамза 15. Аҧсныпресс. Дырмит Басариа. Бенур Шьынқәба Аҧсны Жәлар рпоет Баграт Шьынқәба диижьҭеи 100- шықәса аҵра иазку аиубилеитә усмҩаҧгатәқәа реиҿкааҩцәеи урҭ ирылахәызи зегьы ҭабуп ҳәа реиҳәеит.

“Аҳәынҭқарра Ахада Рауль Ҳаџьымба, аҵареи аҭҵаареи акультуреи рзы Аҳәынҭқарра Ахада иабжьгаҩ Занҭариа Владимир Канстантин-иҧа, атәыла аҧыза-министр Беслан Барцыц, иара убас, акультуреи аҭоурыхтә-культуратә ҭынхақәа рыхьчареи аҵареи аҭҵаареи Рминистррақәа рхаҭарнакцәеи, Мушьни Лашәриа дызхагылоу Аҧсны ашәҟәыҩҩцәа Рассоциациа, Аҧсны ашәҟәыҩҩцәа Реидгыла, хаҭала Вахтанг Абхазоу, уҳәа Баграт Шьынқәба диижьҭеи 100-шықәса аҵра азгәаҭара иазкны аусмҩаҧгатәқәа еиҿызкааз зегьы идуӡӡаны иҭабуп ҳәа шәасҳәарц сҭахуп. Арҭ аиубилеитә усмҩаҧгатәқәа ирылахәыз: ашколхәыҷқәа, астудентцәа, ауаажәларратәи аҿиаратәи аузуҩцәа, амассатә информациа ахархәагақәа рхаҭарнакцәа, уҳәа зегьы гәык-ҧсыкала иҭабуп ҳәа шәасҳәарц сҭахыуп. Сара даара агәахәара сызцәырҵуеит Баграт Уасил-иҧа Шьынқәба иҩымҭақәа хашҭра ахрықәым, урҭ Аҧсны аҵаралашара амаҵ аура аҿы ихархәага дуны иахьыҟоу”, - ҳәа иааҧхьара аҿы иҳәеит Баграт Шьынқәба иҧа Бенур Шьынқәба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа