Ажәабжьқәа

Популярное

Башкиртәи амедицинатә Университет астудентцәа Аҧсны Ареспубликатә хәышәтәырҭа хада аҿы аҧышәа иахысуеит

129
18.07.2018 14:23
Башкиртәи амедицинатә Университет астудентцәа Аҧсны Ареспубликатә хәышәтәырҭа хада аҿы аҧышәа иахысуеит
Аҧышәа Башкиртәи амедицинатә Университети Аҧснытәи  аҳәынҭқарратә Универсиети Аҧсны агәабзиарахьчара Аминистрреи ирыбжьарҵаз аусеицура азы Аиқәшаҳаҭра аҳәаақәа ирҭагӡаны еиҿкаауп.

Аҟәа. Ҧхынгәымза 18. Аҧсныпресс. Мадина Чагәааҧҳа. Башкиртәи амедицинатә Университети Аҧснытәи  аҳәынҭқарратә Универсиети Аҧсны агәабзиарахьчара Аминистрреи ирыбжьарҵаз аусеицура азы Аиқәшаҳаҭра аҳәаақәа ирҭагӡаны аҧышәа ахысразы Уфантәи Аҧсныҟа иааит Башкиртәи амедицинатә Университет астудентцәа. Аҧышәа иахысуа астудентцәа ахылаҧшра рызҭо, амедицинатә наукақәа ркандидат, аексперименталтә биологиеи амедицинеи ркафедра адоцент, Ареспубликатә хәышәтәырҭа аҳақьым хада ихаҭыҧуаҩ Руслан Смыр Аҧсныпресс акорреспондент диҿцәажәо иарбоу аусмҩаҧгатә аиҿкаашьеи ахықәки дрыхцәажәеит.

Руслан Смыр иажәақәа рыла, башкиртәи астудентцәа мызкы иалагӡаны Аҟәа аҧышәа иахыслоит. Иарбоу аамҭа иалагӡаны урҭ рынхарҭа ААУ азеиҧшнхарҭа аҿы еиҿкаан.

Ареспубликатә хәышәтәырҭа аҳақьым хада ихаҭыҧуаҩ ишазгәеиҭаз ала, иарбоу Аиқәшаҳаҭра аҳәаақәа ирҭагӡаны, ҳазҭоу ашықәс цәыббрамзазы Ареспубликатә хәышәтәырҭа ахирургиатә ҟәша аҟынтәи ҩыџьа аҳақьымцәа рзанааҭтә дырра аҩаӡара аизырҳара азы Уфа ақалақь ахь ишьҭхоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа