Ажәабжьқәа

Популярное

Баграт Хәытаба – зхы иақәиҭу аиқәҧара азы Урыстәыла Аҧхьахәгара аҿы аиааира згаз аҧсуа спортсменцәа дрыдныҳәалеит

845
23.04.2018 15:27
Баграт Хәытаба – зхы иақәиҭу аиқәҧара азы Урыстәыла Аҧхьахәгара аҿы аиааира згаз аҧсуа спортсменцәа дрыдныҳәалеит
Аҧсны абҩарҵәыреи аспорти рзы аҳәынҭқарратә Еилакы аҿы аҧсуа спортсмен ҿарацәа иргаз аиааира рыдырныҳәалеит.

Аҟәа. Мшаҧымза 23. Аҧсныпресс. Аҧсны абҩарҵәыреи аспорти рзы аҳәынҭқарратә Еилакы ахантәаҩы Баграт Хәытаба зхы иақәиҭу аиқәҧара азы Урыстәыла Аҧхьахәгара аҿы аиааира згаз Асланбек Гәарамиеи араӡны медал зҽаҧсазтәыз Асҭамыр Гәынбеи Гьаргь Адлеибеи идикылеит.

Убри аан, Баграт Хәытаба арҧарцәа иргаз аиааира рыдиныҳәало, урҭ Аҧсуа жәлар ирырҭаз агәадууреи агәырҕьареи рзы ҭабуп ҳәа реиҳәеит.

Баграт Хәытаба, аиааира згаз аспортсмен ҿарацәа еиҵагыло аҿар рзы ҿырҧшыганы ишыҟоу азгәеиҭеит.

Аҳәынҭқарратә Еилакы ахантәаҩы, арҧарцәа иааиуа адунеи Европеи Рчемпионат аҿы ақәҿиарақәа рзеиҕьаишьеит.

Аиҧылара ихы алаирхәит Кан Кәарҷиа. Уи, аспортсменцәа иаадырҧшыз аихьӡара азы ҭабуп ҳәа раҳәо, Аҟәа ақалақь аҿы аус зуа аусдкылаҩцәа гәыҧҩык рыхьӡала (Аҧсны абҩарҵәыреи аспорти рзы аҳәынҭқарратә Еилакы аҧшьгарала) доусы 100 000 мааҭ ранеишьеит.

Ахәҭакахьала, аспортсменцәа ироуз аџьшьара азы ҭабуп ҳәа рарҳәеит. Аринахысгьы иҿыцу аихьӡарақәа раарҧшра ишазхиоу азгәарҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа