Ажәабжьқәа

Популярное

Баҭал Чежьиа WBO аверсиа ала аҿар рыбжьара адунеи Ачемпион ҳәа ахьӡ аиура иҽазишәоит

137
12.11.2019 12:00
Баҭал Чежьиа WBO аверсиа ала аҿар рыбжьара адунеи Ачемпион ҳәа ахьӡ аиура иҽазишәоит
Аусмҩаҧгатә мҩаҧысраны иҟоуп Санкт-Петербург ақалақь аҿы.

Аҟәа. Абҵарамза 12. Аҧсныпресс. Дамеи Касланӡиа. Жәларбжьаратәи абоксттә қәгылара “Короли нокаутов” аҳәаақәа ирҭагӡаны, аҧснытәи аспортсмен Баҭал Чежьиа WBO аверсиа ала аҿар рыбжьара адунеи Ачемпион ҳәа ахьӡ аиура иҽазишәоит. Аусмҩаҧгатә мҩаҧысраны иҟоуп Санкт-Петербург ақалақь, асасааирҭа  “Azimut” аплошьадка аҿы.

Баҭал Чежьиа диацлабуеит зтитул зыхьчо, 20-шықәса зхыҵуа украинатәи аҭаҷкәымҟьаҩ  Џьамал  Усманов.

Баҭал Чежьиа Аҧсныпресс акорреспондент диҿцәажәо иҳәеит: “Ҳкоманда акыр ҵуеит ари аиндаҭлара азы аҽазыҟаҵара иаҿууижьҭеи. Сара Москва ақалақь аҿы, азыҟаҵаҩ  Арсени Бабиак инапхгарала сҽазыҟассҵоит, сеиндаҭлаҩы Џьамал Усманов апрофессионалтә ринг аҿы хә-еиҧыларак мҩаҧигахьеит, зныкгьы даҵамхаӡацт. Сара сзышьцылам акапантә категориаҿы сықәгылоит, ус еиҧш ахыдҵа ықәиргылеит ҳаиндаҭлаҩ, ҳаргьы уи ҳақәшаҳаҭхеит”. Сара  иахәҭоу аформа аҟынӡа снеихьеит, аиндаҭлара сазхиоуп”.

Баҭал Чежьиа апрофессионалтә ринг аҿы 9 еиндаҭларак рҟынтәи 9 иааирак игахьеит.  Уи ажурнал “Про Бокс” аверсиа ала Ихьыҧшым аҳәынҭқаррақәа Реидгылареи, аславиантә тәылақәеи  рчемпион ҳәа атитул ианашьоуп, Урыстәыла апрофессионалтә ҭаҷкәымҟьаҩцәа рреитинг аҿы 8-тәи аҭыҧ ааникылоит, адунеитә реитинг аҿы 154-тәи аҭыҧ ааникылоит.

Уаанӡа, WBO аверсиа ала аҿар рыбжьара Адунеи Ачемпион ҳәа атитул аиуразы  аиҧш-зеиҧшу атурнир аҿы аиааира  игеит аҧсуа ҭаҷкәымҟьаҩ Игорь Адлеиба.  Екатеринбург ақалақь аҿы апрофессионалтә бокс ахәылҧаз “RCC Boxing Promotions” аҿы иара Венесуелатәи аспортсмен Едди Кольменарес дииааит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа