Ажәабжьқәа

Популярное

Азин аиура ада аусура мҩаҧызго аҳәаанырцәтәи атәылауаа аҭакҧхықәра рыдҵахоит

666
02.11.2016 13:35
Азин аиура ада аусура мҩаҧызго аҳәаанырцәтәи атәылауаа аҭакҧхықәра рыдҵахоит
Аҧсны Жәлар Реизара-Апарламент аилатәараҿы “Административтә зинеилагарақәа рзы Аҧсны Аҳәынҭқарра Азакәанеидкыла аиҭакрақәа ралагалара азы“ Азакәан апроект рыдыркылеит.

Аҟәа. Абҵарамза 2. Аҧсныпресс. Елена Полуиан. Азакәан апроект адгалара мҩаҧго, адепутат Дмитри Гәынба, иарбоу азакәан апроект аус адулара “Аҳәаанырцәтәи атәылауаа Аҧсны рыҟазаара азинтә ҭагылазаашьа азы” Аҧсны Аҳәынҭқарра Азакәанеидкыла 13-тәи ахы ацҵақәа ралагалара ахымҧадатәра иадҳәалоуп.

Иара убас, иарбоу азакәан апроект, аҳәаанырцәтәи атәылауаҩ иоуа аусуразы азин зырҵабыргуа аусшәҟәы ианым азанааҭ ала Аҧсны аусура амҩаҧгара, мамзаргьы, иарбоу ахаҿы аусуразы азин зырҵабыргуа аусшәҟәы, даҽакала иуҳәозар апатент ахьиоуз Аҧсны Аҳәынҭқарра административтә-территориалтә хәҭа иахьаҵанамкуа аусура азҧхьагәанаҭоит. Иара убасҵәҟьа, Азакәан апроект ала, иоуа аусуразы азин зырҵабыргуа аусшәҟәы иарбоу адыррақәа аиҭакрақәа ралагаларазы иадымҵаалаз аҳәаанырцәтәи атәылауаҩ аҭакҧхықәра идҵара азҧхьагәаҭоуп. Уахь, иара убас иаҵанакуеит аџьатә еиқәшаҳаҭрақәа абжьаҵареи абжьыхреи рзы адыррақәа аҷыдалкаатә зинмчы змоу аусбарҭақәа рҟынӡа рнамгара.

Азакәан апроект аҧхьатәи аҧхьараҿы ирыдаркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа