Ажәабжьқәа

Популярное

Автоматизациа зызу аӡбара-информациатә система алагалахоит ажьырныҳәамза 1, 2020 шықәса инаркны

265
04.11.2019 20:00
Автоматизациа зызу аӡбара-информациатә система алагалахоит ажьырныҳәамза 1, 2020 шықәса инаркны
Апарламент адепутатцәа “Аӡбаратә мчра азы” Аҧсны Аҳәынҭқарра Аконституциатә Закәани  “Автоматизациа зызу аӡбара-информациатә система азы” Ақәҵареи аиҭакрақәеи ацҵақәеи алагалара азы аӡбамҭа рыдыркылеит.

Аҟәа. Абҵарамза 4. Аҧсныпресс. Аҧсны Жәлар Реизара – Апарламент аилатәара аҿы адепутатцәа “Аӡбаратә мчра азы” Аҧсны Аҳәынҭқарра Аконституциатә Закәан аиҭакрақәеи ацҵақәеи алагалара азы аӡбамҭа рыдыркылеит.

Аусшәҟәы инақәыршәаны, ахәҭаҷ 186, ахәҭа 3 абри аредакциа ала иаарҧшуп: “Автоматизациа зызу аӡбара-информациатә система, аелектронттә усшәҟәқәа, аӡбара-информациатә система ахархәарала аӡбарҭа аилазаара ашьақәыргылара, авидеоҧкаанҵа ахархәарала аӡбаратә еилатәара азгәаҭара, иазку Аконституциатә закәан аҧҟарақәа азакәанмчы аиура аҽҳәара Аҧсны Жәлар Реизара-Апарламент ала  ишьақәырҕәҕәахоит.

Иара убас, адепутатцәа “Автоматизациа зызу аӡбара-информациатә система” азы Ақәҵара рыдыркылеит. Уаҟа иарбоуп: “Рашәарамза 15, 2015 шықәса рзы ирыдыркылаз “Автоматизациа зызу аӡбара-информациатә система, аелектронттә усшәҟәқәа, аӡбара-информациатә система ахархәарала аӡбарҭа аилазаара ашьақәыргылара, авидеоҧкаанҵа ахархәарала аӡбаратә еилатәара азгәаҭара, иазку “Аӡбаратә мчра азы” Аконституциатә закәан аҧҟарақәа ажьырныҳәамза 1, 2020 шықәса инаркны азинмчы аиуеит”.

Ақәҵара азинмчы аиуеит уи анрыдыркылаз амш инаркны.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа