Ажәабжьқәа

Популярное

Автандил Гарҵкиа: Мрагыларатәи Аҧсны аамҭа кьаҿ иалагӡаны уи Мраҭашәаратәи аган иаҵамхо атуристцәа рҟынтәи ахшыҩзышьҭра аиуо иалагоит

913
06.06.2018 12:03
Автандил Гарҵкиа: Мрагыларатәи Аҧсны аамҭа кьаҿ иалагӡаны уи Мраҭашәаратәи аган иаҵамхо атуристцәа рҟынтәи ахшыҩзышьҭра аиуо иалагоит
Аҧсны акурортқәеи атуризми рминистр Автандил Гарҵкиа ажурналистцәа рызҵаарақәа рҭак ҟаиҵеит.

Аҟәа. Рашәарамза 6. Аҧсныпресс. Дырмит Басариа. Аҧснытәи аҳәынҭқарратә телерадиоеилахәыра апресс-центр аҿы Аҧсны атуристтә аамҭахәҭа ишазыҟаҵоу азы апресс-конференциа мҩаҧысит. Ажурналистцәа рызҵаарақәа рҭак ҟаиҵон Аҧсны акурортқәеи атуризми рминистр автандил Гарҵкиа.

Аминистр 2018 шықәсазы атуристтә аамҭахәҭа азы заанаҵтәи азҧхьагәаҭарақәа ҟаиҵеит: “Иҳаҩсыз ашықәс азы атуристтә аамҭахәҭа иалагӡаны Аҧсны иаҭааит 800 нызықь-ҩык инарзынаҧшуа атуристцәа. Иҟаҳҵо азҧхьагәаҭарақәа рыла, ас еиҧш аҭагылазаашьа ҳазҭоу ашықәс азы еиҭаҟалар алшоит. Аха арҭ арбагақәа еиҳахаргьы алшоит, избан акәзар Шәача имҩаҧысуа ашьапылампыл азы Адунеи Ачемпионат асасцәа Аҧсны иаҭааргьы рҭаххаргьы ҟалоит”.

Автандил Гарҵкиа ишазгәеиҭаз ала, акурортқәеи атуризми Рминистрра аҧшьгарала, аҧснытәи атуристтә аалыҵ адгалара Апрограмма хацыркхеит. “Ҳара еилаҳкааит атуристцәа ирзырхоу  аҧснытәи аалыҵ Урыстәыла арегионқәа рахь адгалара шхымҧадатәиу. Ас еиҧш аусра иахьазы имҩаҧгоуп Урал. Иара убас, Аминистрра, Урыстәыла иахьаҵанакуа имҩаҧысуа еиуеиҧшым жәларбжьаратәи атуристтә цәыргақәаҵақәеи афорумқәеи ахы аланархәуеит”, – ҳәа иҳәеит иара.

Еихьӡарак аҳасабала аминистр иазгәеиҭеит атуристцәа рзы Мрагыларатәи Аҧсны аартра: “Ҳара иҿыцу аекскурсиатә маршрутқәа ааҳартит, иара убас, уаанӡа иаркыз ажәытә маршрутқәагьы ҩаҧхьа иааҳарҭит. Зынӡа Аҧсны 23 туристтә маршрут ыҟоуп. Амаршрутқәа рсиа иацлеит Мрагыларатәи Аҧсны иаҵанакуа аҭыҧ ҧшӡарақәа. Агәра ганы сыҟоуп, Мрагыларатәи Аҧсны аамҭа кьаҿ иалагӡаны уи Мраҭашәаратәи аган иаҵамхо атуристцәа рҟынтәи ахшыҩзышьҭра аиуо иалагоит.

Аҧснытәи атуристтә индустриа ахәҧсатә политика далацәажәо, атурисзм ахылаҧшырҭа хада аиҳабы инаҵшьны иазгәеиҭеит: “2015-2016 шықәсқәа рзы, Аҧсны атуристә усхкы аҩаӡара ахалара рхы иархәаны, аусдкылаҩцәа рҕьырак рмаҵзура ахәҧса ҕәҕәала ишьҭырхит. Аха 2017 шықәса азы атуристцәа рхыҧхьаӡара иаалырҟьаны ианеиҵаха, урҭ егьырҭ акурортқәа рганахьала аконкурентра алыршаразы ахәқәа шыларҟәтәу еилыркааит. Убас, аҧснытәи асасааирҭақәа рнаҧхгаҩцәа аӡынра ахәқәа ладырҟәит. Уи атуристцәа маҷымкәа радыҧхьалара алнаршеит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа