Ажәабжьқәа

Август 26 2008 шықәса рзы Урыстәыла ҩаҧхьа Аҧсни Урыстәылеи ирыбжьоу аиҩызара гәык ала ишазыҟоу адунеи зегьы иднарбеит

549
25.08.2015 11:34
Август 26  2008  шықәса рзы Урыстәыла ҩаҧхьа Аҧсни Урыстәылеи ирыбжьоу аиҩызара гәык ала ишазыҟоу адунеи зегьы иднарбеит
Аҧсны иҟоу урыстәылатәи аитәылауаа аурысцәа Реидгыла Акоординациатә Хеилак анаҧхгара, зеилазаара милаҭрацәала иҟоу ареспублика иқәынхо ажәлар Урыстәыла Афедерациа ала Аҧсны Ахьыҧшымра азхаҵара 7 шықәса ахыҵра рыдырныҳәалеит. 

Аҟәа. Август 25. Аҧсныпресс. Адныҳәаларатә шәҟәы иаҳәоит: 

“Ахьыҧшымра Амш – ари аҩ-тәылак рҭоурых аҿы ихадоу аҭыҧ ааннакылоит. Август 26 2008 шықәса рзы Урыстәыла ҩаҧхьа Аҧсни Урыстәылеи жәытә-натә аахыс ирыбжьоу аиҩызара гәык ала ишазыҟоу адунеи зегьы иднарбеит. 

Аҧсны ажәлар 20 шықәса ирылагӡаны ари амш дырааигәон, ахьыҧшымра Амш иадҳәалоу аныҳәа аҟалара зтәыла ахьыҧшымреи ахақәиҭреи зхы ақәызҵаз афырхацәа ирыбзоуроуп. Ареспублика аҳәынҭқарра аргылара, аҿиара, аҳәынҭқарратә системеи адемократиеи ауаажәларратә еилазаареи рышьақәыргылара азы алшара шамоу арҵабыргит. 

Урыстәыла Афедерациа иҟанаҵаз Аҧсны ахьыҧшымра азхаҵара ҳара зегьы ари аиҩызаратә тәыла аҿаҧхьа аҭакҧхықәра ҳаднаҵоит. Милаҭрацәала еилоу Аҧсны ажәлар имаҷымкәа еиуеиҧшым ауадаҩрақәа рыхганы еизҳазыҕьоу ацивилизациатә ҳәынҭқарра аргылара шалшо, убри ала адунеи егьырҭ аҳәынҭқаррақәагьы Аҧсны ахьыҧшымра шазхарҵо агәра ганы ҳаҟоуп. 

Ҳаҭыр ду зқәу ҳџьынџьуаа, гәык-ҧсык ала аныҳәа шәыдаҳныҳәалоит. Аҭынчреи аизҳазыҕьареи шәзеиҕьаҳшьоит”. 

Аҧсны иҟоу урыстәылатәи аитәылауаа аурысцәа Реидгыла Акоординациатә Хеилак ахантәаҩы Игорь Лишьенко

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа