Ажәабжьқәа

Популярное

Авҭандил Гарҵкиа: Ҳара аҵыхәтәантәи 30-шықәса рыла раҧхьаӡа акәны еиуеиҧшым адунеи аҳәаанырцәтәи атәылақәа рҟынтәи Аҧсныҟа иаауа атуристцәа зҭоу атуристтә дәыҕба “Ахьтәы хьшьыцба” ҳаҧылоит

73
08.10.2018 12:27
Авҭандил Гарҵкиа: Ҳара аҵыхәтәантәи 30-шықәса рыла раҧхьаӡа акәны еиуеиҧшым адунеи аҳәаанырцәтәи атәылақәа рҟынтәи Аҧсныҟа иаауа атуристцәа зҭоу атуристтә дәыҕба “Ахьтәы хьшьыцба” ҳаҧылоит
Ареспублика Аҧсны екскурсиа ҳасабла иаҭаауеит Великобританиа, Австралиа, Швециа, Бразилиа, Канада, Уругваи, Швеицариа, Германиа, Даниа, Иапониа, Еиду Америкатәи Аштатқәа, Латинтәи Америка рҟынтәи атуристцәа.

Афон Ҿыц. Жьҭаарамза 8. Аҧсныпресс. Мадина Чагәаа/Дамеи Касланӡиа. Аҳәаанырцәтәи атуристцәа зҭоу атуристтә дәыҕба “Ахьтәы хьшьыцба”Аҧсныҟа иааит. 

Асааҭ 8:30 рзы 14 вагон рыла иҟоу адәыҕба, Ҵандрыҧшь астанциа аҿы аҳазылхратә гәаҭара иахысит. 

Асааҭ  11:00 рзы “Ахьтәы хьшьыцба” Афон ҿыц, астанциа Ҧсырцха аҟыӡа инаӡеит. Араҟа асасцәа ирзыҧшын ашәырқәа рыла ирхиаз аишәақәа.



Аҧсны акурортқәеи атуризми рминистр Авҭандил Гарцкиа аусмҩаҧгатә далацәажәеит: “Ҳара аҵыхәтәантәи 30-шықәса рыла раҧхьаӡа акәны еиуеиҧшым адунеи аҳәаанырцәтәи атәылақәа рҟынтәи Аҧсныҟа иаауа атуристцәа зҭоу атуристтә дәыҕба “Ахьтәы хьшьыцба” ҳаҧылоит. Ареспублика Аҧсны екскурсиа ҳасабла иаҭаауеит  Великобританиа, Австралиа, Швециа, Бразилиа, Канада, Уругваи, Швеицариа, Германиа, Даниа, Иапониа, Еиду Америкатәи Аштатқәа, Латинтәи Америка рҟынтәи атуристцәа. Иарбоу апроект ҳазҭоу ашықәс алагамҭа инаркны аус адырулон англиатәи атуристттә еилазаара “Тревел лимитед”, “Урыстәылатәи Аихамҩақәа”, аилазаара “Транссибирский экспресс”, Шәачатәи аилазаара “Ревьера”, Амилаҭтә туристтә еилазаара“Турист”, Аҧсны атуризми акурортқәеи Рминистрра. Ари адәыҕба уаанӡа еиҳарак Владивостоки Китаи ирыбжьан. Уажәы, имҩаҧгаз аиҿцәажәарақәа рнаҩс, атур иалагалан Аҧсны аҭаарагьы. Атуристцәа рхаҭа Аҧсны аҭаара азы агәазыҳәара аадырҧшит. Урҭ атәыла иазкны адыррақәа маҷымкәа ирымоуп, ҳҭоурых рдыруеит, Аҧсны ишәарҭам тәыланы ирыҧхьаӡоит. Атуризм – аполитика иалам. Ари раҧхьаӡатәи ҭаароуп, уи акоммерциатә ҵакы аҵаӡам, ҳҳәынҭқарра ахьӡ аӡыргара азы аҵак ду аҵоуп”.

Авҭандил Гарцкьиа иҟаиҵаз адыррақәа рыла, аекскурсиатә маршрут апрограмма аҿы: Афонҿыцтәи аҳаҧи ақалақьтәи ахәаахәҭратә цәыргақәҵаеи, иара убас Афонҿыцтәи ахацәа рберҭыҧи афонтәи аӡхыҽҽеи рҭаара алагалоуп. Афон Ҿыц аҿы аҟазаара иазыҧҵәоуп 4-5 сааҭ. Аҳәаанырцәтәи атуристцәа рекскурсиа нарыгӡоит 1 акатегориа змоу аекскурсиа амҩаҧгаҩцәеи англыз бызшәа аҟынтәи аиҭагаҩцәеи.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа