var _ba = _ba || []; _ba.push(["aid", "09660acced7930fc288966bc3ec915ee"]); _ba.push(["host", "apsnypress.info"]); (function() {var ba = document.createElement("script"); ba.type = "text/javascript"; ba.async = true;ba.src = (document.location.protocol == "https:" ? "https://" : "http://") + "bitrix.info/ba.js";var s = document.getElementsByTagName("script")[0];s.parentNode.insertBefore(ba, s);})();
Ажәабжьқәа

Популярное

Авҭандил Гарҵкьиа: 24 шықәса раҧхьа ауаа афырхаҵара ду аадырҧшит

55
16.03.2017 12:39
Авҭандил Гарҵкьиа: 24 шықәса раҧхьа ауаа афырхаҵара ду аадырҧшит
Аҟәа ақалақь аҿы марттәи ажәылараан иҭахаз афырхацәа ргәаладыршәеит.

Аҟәа. Хәажәкыра 16. Аҧсныпресс. Лана Ҵәыџьҧҳа. 1993 шықәса рзы иҟалаз марттәи ажәылара аҿы иҭахаз афырхацәа ргәалашәареи Аҧсны Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵареи рзы иааит атәыла анаҧхгара, адепутатцәа, аибашьра аветеранцәа, ауаажәларратә усзуҩцәа, аҳҭнықалақь ауааҧсыра, ашколхәыҷқәа.

Аҧсны Аҳәынҭқарра Ахада ихаҭыҧуаҩ Витали Габниа, хәажәкыра 16 – Аҧсны Аџьынџьтәылатәи еибашьра иадҳәалоу арыцхәқәа зегьы раасҭа илахьеиқәҵагоу рыцхәны иаанхоит ҳәа иазгәеиҭеит “ Усҟан ҳара шәҩыла ҳҩызцәа ҳаваршьааит. Ари арыцхә илахьеиқәҵагоу ихьанҭаӡоу мшны Аҧсны иҿыцӡоу аҭоурых адаҟьақәа наунагӡа ианылоит. Ҳара иҳацәҭахаз арҧарцәеи аҭыҧҳацәеи ргәалашәара ҳмырҧхашьароуп”, – ҳәа инаҵшьны иазгәеиҭеит Витали Габниа.

Аҧсны акурортқәеи атуризми рминистр , Аҧсны афырхаҵа Автандил Гарҵкьиа иажәақәа рыла, 24 шықәса раҧхьа ауаа афырхаҵара ду аадырҧшит. “Сара избаз, исаҳаз иазкны аибашьраан иҟасҵоз азгәаҭарақәеи амшынҵеи рыла, аибашьра ашьҭахь 20 шықәса анҵы ашәҟәы сыҩҩит. Сара сышәҟәы аҿы срыхцәажәоит хаҭала издыруаз зегьы. Усҟан ҳашьцәа иаадырҧшыз афырхаҵара хашҭшьа ақәӡам. Уи амш ҧхьаҟа иааҳгараны иҟаз аиааира иахыҵхырҭаны иҟалеит”, – ҳәа иҳәеит Автандил Гарҵкьиа.

Иара убас марттәи ажәылара лгәалалыршәеит Леон иорден занашьоу Нана Наҟоҧиа: “Марттәи ажәылара – ари згәалашәара уадаҩу мшы хьанҭоуп. Ари амш иацын ахьаа, агәкаҳара, агәырҩа, ацәыӡ ҕәҕәа. Сара есымша смоҭацәа ирзеиҭасҳәоит аҕа хәымгақәа ҳарҧарцәа фырхацәа иҭҟәаны ишыргоз, урҭ шдыргәаҟуаз, аха егьа ҟарҵаргьы, урҭ рдоуҳатә мчы аиааира шрылымшаз атәы. Убри адоуҳатә мчы иахьагьы ҳара зегьы ҳаиднакылароуп. Иҭахаз афырхацәа баша иҭамхаӡеит, иахьа Аҧсны ихьыҧшым ҳәынҭқарраны ишьақәгылоуп!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа