Ажәабжьқәа

Ауал зқәу ашәахтәшәаҩцәа рзы аматериалқәа аӡбаратә нагӡаҩцәа Рмаҵзура ахь инашьҭхоит

149
19.06.2019 12:31
Ауал зқәу ашәахтәшәаҩцәа рзы аматериалқәа аӡбаратә нагӡаҩцәа Рмаҵзура ахь инашьҭхоит
Ашәахтә дисциплина арҕәҕәареи, хымҧада ашәаахтәқәа ршәара алыршареи рзы Ақәҵара анапы аҵаҩуп.

Аҟәа. Рашәарамза 19. Аҧсныпресс. Аҧсны аҧыза-министр Валери Бганба ашәахтә дисциплина арҕәҕәареи, хымҧада ашәаахтәқәа ршәара алыршареи рзы Ақәҵара инапы аҵаиҩит.

Аҧсны ашәахтәқәеи аизгақәеи Рминистрра ауалқәа зқәу ашәахтәқәа дыршәареи, мамзаргьы урҭ рыҧхьаӡаратә счиотқәа рҿы аҧаратә хархәагақәа рыҟамзаара инамаданы, ас еиҧш акатегориа иаҵанакуа ашәахтәшәаҩцәа рзы аматериалқәа аӡбаратә нагӡаҩцәа Рмаҵзура ахь рынашьҭра азы аҧҟадҵа аҭоуп.

Иара убас, Аҧсны ашәахтәқәеи аизгақәеи Рминистрра азы хымз рахь знык еиҵамкәа, аӡбаратә нагӡаҩцәа Рмаҵзура ахь зматериалқәа нашьҭыз ашәахтәшәаҩцәа рсиа адгалара хымҧадатәиуп.

Аусшәҟәы инақәыршәаны, аӡбаратә нагӡаҩцәа Рмаҵзура азы, ашәахтәқәеи аизгақәеи Рминисстрра иаанашьҭыз аматериалқәа зыҧшрак ҟамҵакәа ахәаҧшреи, уи азы хымз рахь знык еиҵамкәа аҳасабырба адгалареи хымҧадатәины иҟоуп.

Ақәҵара анагӡара ахылаҧшра идҵоуп атәыла аҧыза-министр ихаҭыҧуаҩ, афинансқәа рминистр Џьансыхә Нанба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа