Ажәабжьқәа

Популярное

Ауаажәларратә Палата аҿы акурорттә аамҭахәҭа аҽазыҟаҵара иадҳәалоу азҵаарақәа жәпакы ирылацәажәеит

1327
26.04.2018 18:54
Ауаажәларратә Палата аҿы акурорттә аамҭахәҭа аҽазыҟаҵара иадҳәалоу азҵаарақәа жәпакы ирылацәажәеит
Ауаажәларратә Палата аилатәара рхы аладырхәит акурортқәеи атуризми Рминистрра, атәыла аҩныҵҟатәи аусқәа Рминистрра, асанитар-епидимиологиатә Станциа, аҳәынҭқарратә миграцмиатә Маҵзура ахаҭарнакцәа.

Аҟәа. Мшаҧымза 26. Аҧсныпресс. Дырмит Басариа. Ауаажәларратә Палата аҽы имҩаҧысыз аилатәара ахь ааҧхьара рыҭан акурортқәеи атуризми Рминистрра, атәыла аҩныҵҟатәи аусқәа Рминистрра, асанитар-епидимиологиатә Станциа, аҳәынҭқарратә миграцмиатә Маҵзура ахаҭарнакцәа.

Акурортқәеи атуризми рминистр ихаҭыҧуаҩ Асҭамыр Ахба адырра ҟаиҵеит: “Акурорттә аамҭахәҭа азы атуристцәа рыдкылара иазырхоу аҭыҧқәа 80% рҟынӡа еиқәыршәоуп. Аобиектқәа рҕьырак иҳаҩсыз ашықәс аламҭалазы аиҭашьақәыргылареи аиҭарҿыцреи рзы аинвестициақәа адрыҧҳьалеит. Иааиуа акурорттә аамҭахәҭа азы даҽа 10-сасааирҭа маҷ аусура иалагоит. Убри аан, урҭ реиҳарак Гәылрыҧшьтәи Очамчыратәи араионқәа рҿы иаатуеит. Уажәы Аҧсны аус руеит 350 туристтә обиектқәа. Урҭ зегьы аҳәынҭқарратә биуџьет ахь ашәахтәқәа аларгалоит.Риҵатәи ареликттә Парк иахьаҵанакуа атуристтә маршрутқәа арманшәалара иазкны аусурақәа мҩаҧысуеит. Ашьапылампыл азы Адунеи Ачемпионат амҩаҧысра аамҭа иалагӡаны, Урыстәылеи Аҧсни ирыбжьоу аҳәынҭқарратә ҳәаа аркхаӡом. Мацара амашьынақәа рыхкқәак рыиасра азы аҧкра алагалахоит”.

Аҩныҵҟатәи аусқәа рминистр ихаҭыҧуаҩ Леуан Кәараҵхьелиа иажәақәа рыла, аҩныҵҟатәи аусқәа Рминистрра аҿы аҧхынтәи аамҭахәҭа аҽазыҟаҵара иазырханы аусмҩаҧгатәқәа рыплан шьақәыргылоуп: “Ҳара ауаажәларратә шәарҭадара ахьырҕәҕәатәу акурорттә маршрутқәа зегьы алаҳкаахьеит. Есыҽны аҩныҵҟатәи аусқәа рхылаҧшырҭа хада 1 000-ҩык инарзынаҧшуа аусзуҩцәа Аҧсны акурорттә қалақьқәа зегьы рҿы еиҿкаау аҧыҧшырҭақәа рҿы аус рулоит. 2017 шықәса рзы ашәҟәы иҭагалан 90 инарзынаҧшуа, зыҧсы зшьоз рганахьала имҩаҧгаз ацәгьоурақәа. Урҭ рахьынтә 43 аартын”.

Аҧснытәи атуризм Аидгылара анаҧхгаҩы Анна Колиагина инаҵшьны иазгәалҭеит: “Акурорттә аамҭахәҭа ақәҿиарақәа, еиҳарак ауаажәларратә позициа активра иадҳәалоуп. Аҧсны иқәынхо ауааҧсыра зегьы акала уеизгьы атуристтә усура иадҳәалоуп. Убри аҟнытә, атурист ҩаҧхьа аҧсшьаразы арахь аара иҭаххартә, уи иҩызцәагьы ирыдигалартә еиҧш ишахәҭоу ала имаҵ аура ахәҭоуп. Ҳара ҳмарка – ҳасасдкылара ауп! Асезон, аамҭа кьаҿ иалагӡаны иалагоит, агәамсам ақәгарада шьаҭанкыла акы аҧсахра ҳзахьӡашам. Мызкы иалагӡаны аилыргаратә усмҩаҧгатәқәа рынагӡара азҧхьагәаҭаны иҳамоуп. Иара убас, ахәыҷқәа рыҧсшьара иазоужьу аҭыҧқәагьы рыҿиара хымҧадатәиуп”. 

Аҳәынҭқарратә санитартә ҳақьым хада Лиудмила Скорик еизаз агәра длыргеит акурорттә аамҭахәҭа иалагӡаны амшынӡы агәаҭара лыссы-лассы ишымҩаҧгахало. “Иара убас аӡрыжәтәгьы ахылаҧшра ҕәҕәа аҭахоит. Урыстәылеи Аҧсни рҳәааҿы асанитар-карантинтә пунктқәа аҧҵахоит. Уеизгьы асанитар-епидемиологиатә Станциа алабороториатә база арҭбаара ахәҭаны иҟоуп, избан акәзар, ҳара иҳамоу алшарақәа иазҧхьагәаҭоу ауснагӡатәқәа зегьы рзы иазхоны иҟам. Убасҵәҟьа, асанитар-епидемиологиатә Станциа ахатәы маҵзуратә машьына  шамам азгәасҭарц сҭахуп”, – ҳәа илҳәеит Лиудмила Скорик.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа