Ажәабжьқәа

Популярное

Атиопина: Аихшьаалақәа ҟаҵоуп

648
11.09.2015 12:50
Атиопина: Аихшьаалақәа ҟаҵоуп
Аҳҭнықалақь анаҧхгара еиҿнакааз ашәҭқәа рыла арҧшӡара азы аицлабра аихшьаалақәа ҟаҵоуп.

Аҟәа. Сентиабр 11. Аҧсныпресс. Ари аицлабра аҳҭнықалақь анаҧхгара ҧшь-номинациак рыла имҩаҧнагоит. Актәи аҭыҧқәа аанызкылаз аҧаратә ҳамҭақәеи аҳаҭыртә бҕьыцқәеи ранашьахоит, аҩбатәи, ахҧатәи - агәаларшәагатә ҳамҭақәеи аҳаҭыртә бҕьыцқәеи.

“Ҳара аҳамҭақәа ранашьара иадҳәалоу ацеремониа аныҳәатә усмҩаҧгатәны еиҿаҳкаарц ҳгәы иҭоуп. Уи ҳуааҧсыра рзы зеиҕьаҟам гәазҭаҵаганы иҟалоит”, – ҳәа “Аҧсныпресс” акорреспондент диҿцәажәо аҳәамҭа ҟалҵеит аицлабратә комиссиа ахантәаҩы ихаҭыҧуаҩ, аҳҭнықалақь Акоммуналтә усбарҭа анаҧхгаҩы Елена Атиопина.

“Аицлабра алахәылацәа даара ргәы ацҧыҳәаны аус иазнеит. Ас еиҧш аицлабрақәа иалахәу ауаа рхыҧхьаӡара еиҳахарц ҳҽазаҳшәалоит”, ҳәа лгәаанагара лҳәеит Елена Атиопина.

Ахархәаратә џьармыкьа иазааигәоу атерриториақәа рҟынтәи зегь реиҳа еиҿкаау ҳәа аноминациа аҿы апацха “Анасыҧ” актәи аҭыҧ ааннакылеит, аҩбатәи- аресторан “Нарҭаа”, ахҧатәи – “Кантри Чикен”.

Анаплакқәеи аусбарҭақәеи аусҳәарҭақәеи ирыду рҟынтәи зегь реиҳа еиҿкаау атерриториа аноминациа аҿы аиааира агеит ахәыҷбаҳча “Гәында”. Аҩбатәи аҭыҧ ааннакылеит аҳәынҭқарратә автоинспекциа аусбарҭеи атәыла аҩныҵҟатәи аусқәа Рминистрреи, ахҧатәи – асасааирҭа “Леон”.

“Иреиҕьу адәы” ҳәа аноминациа аҿы актәи аҭыҧ еиҩыршеит Ак. Марр (№26), Адыгаа (№53) рымҩадуи рҿы иҟоу ахатәыҩнқәа ҩба. Аҩбатәи аҭыҧ – Гәымсҭатәи амҩа (№22) аҿы иҟоу аҩнеихагыла. Ахҧатәи аҭыҧ – Адыгаа рымҩа (№79) аҿы иҟоу аҩнеихагыла.

“Абарҵа иреиҕьу архиара” аноминациа аҿы актәи аҭыҧ Ҷыҭанаа рымҩа ала иҟоу аҩнеихагыла (№6), аҿы анхарҭаҭыҧ ианашьан. Аҩбатәи аҭыҧ – Инал-иҧа имҩа ала аҩны (№10) аҿы иҟоу анхарҭаҭыҧ.

Аиааира згаз зегьы аҳамҭақәа ранашьара иадҳәалоу ацеремониа аамҭа кьаҿ иалагӡаны имҩаҧысраны иҟоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа