Ажәабжьқәа

Популярное

Атерриториа аҭеиҭыҧш рҽеитәуп, ашәҭқәа еиҭаҳатәуп, алашарбагақәа шьақәыргылатәуп: Кан Кәарҷиа Аҟәа ақалақь алалара мраҭашәаратәи аган даҭааны игәеиҭеит

57
08.11.2019 17:10
Атерриториа аҭеиҭыҧш рҽеитәуп, ашәҭқәа еиҭаҳатәуп, алашарбагақәа шьақәыргылатәуп: Кан Кәарҷиа Аҟәа ақалақь алалара мраҭашәаратәи аган даҭааны игәеиҭеит
Аҳҭнықалақь ахада инапынҵақәа назыгӡо Кан Кәарҷиа Аҟәа ақалақь аҿы аинспекциақәа рымҩаҧгара ирыцеиҵоит.

Аҟәа. Абҵарамза 8. Аҧсныпресс. Дамеи Касланӡиа. Аҟәа ақалақь иахьаҵанакуа аусуратә ныҟәара аҳәаақәа ирҭагӡаны, Аҟәа Ахадара аиҳабы инапынҵақәа назыгӡо Кан Кәарҷиа Аҟәа ақалақь алалара мраҭашәаратәи аган даҭааны игәеиҭеит.

“Ақалақь иалало ауаа, жәаҳәарада рыкәша-мыкәша ахшыҩзышьҭра аҭаны иахәаҧшуаеит, инаҧшы-ааҧшуеит. Иаабозеишь иахьа араҟа? Ана-ара  хара-бҕьара игәыгәҭажьны игылоу аобиектқәа, ихыжжәароу ахыбрақәа, уаҩ дызхым аҩнқәа. Ари зегьы зыҧшрак ҟамҵакәа аҭыҧ иқәҵатәуп, атерриториа аҭеиҭыҧш рҽеитәуп, ашәҭқәа еиҭаҳатәуп, алашарбагақәа шьақәыргылатәуп.  Абаннерқәа ҧсахтәуп, урҭ реиқәыршәара асахьаҭыхыҩ қәыҧшцәа рнапы ианҵатәуп. Араҟа ахарџь рацәаны иаҭаххаӡом, аус ишахәҭоу еиҿкаатәуп”, – ҳәа иҳәеит Кан Кәарҷиа.

Убри аан, Аҟәа араион Ахадара аиҳабы Валери Смыр Кан Кәарҷиа ииҳәаз дақәшахаҭхеит. Уи иажәақәа рыла, ас еиҧш аҭагылазаашьа ыҟоуижьҭеи акыр шықәса ҵуеит: “Иарбоу аобиектқәа рықәгара алшоит. Ҳара ҳганахьала иахәҭоу ацхыраара аҟаҵара ҳазхиоуп. Иара убас, ақалақь уахьналало иҟоу аҧсыжырҭа азы азҵаара ааигәа иӡбахоит, уи аанда акәыршахоит, мамзаргьы амҩа аҿықәан аҵиаақәа еиҭаҳахоит”.



Убасҵәҟьа, Кан Кәарҷиа Аҳабла Ҿыц ахь узланеиуа амҩеихысырҭа аҿы иҟоу ахәаахәҭратә ҭыҧ ақәгаразы адҵа ҟаиҵеит: “Дара араҟа игылоу амашьынақәа  импровизациала аалыҵ шьҭаҵарҭаны иҟарҵеит. Убри аан, Аҳабла Ҿыц иалҵны ицо автотранспорт азы алаҧшҳәаа ахәҭак ала иаркхоит. Уи амашәыр ахылҿиаар алшоит”.

Ахәҭакахьала, ақалақь архитектор хада Светлана Шаменкова араҟа аобиект аргыларазы азин аҭара шыҟамыз азы адырра ҟалҵеит.

Аҳәынҭқарратә автоинспекциа аусзуҩцәа аҳҭнықалақь ахада инапынҵақәа назыгӡо Кан Кәарҷиа иарбоу аобиект мышкы иалагӡаны ишықәгахо азы агәра идыргеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа