Ажәабжьқәа

Атәыла Анапхгара Ахада аминистрцәа Реилазаара арезервтә Фонд ахархәагақәа рхархәаразы Ақәҵара инапы аҵаиҩит

35
07.05.2019 17:50
Атәыла Анапхгара Ахада аминистрцәа Реилазаара арезервтә Фонд ахархәагақәа  рхархәаразы Ақәҵара инапы аҵаиҩит
Атәыла Анапхгара арезервтә Фонд ахархәагақәа рхархәаҩцәа ироуа аҧаратә хархәагақәа хықәкылатәи рныхра ахылаҧшра аҭаразы аҧхықәра рыдҵахоит.

Аҟәа. Лаҵарамза 7. Аҧсныпресс. Аҧсны аҧыза-министр Валери Бганба “Аминистрцәа Реилазаара арезервтә Фонд ахархәагақәа  рхархәара азы” Ақәҵара инапы аҵаиҩит. Абри атәы аанацҳауеит аминистрцәа Реилазаара апресс-маҵзура.

Аусшәҟәы инақәыршәаны, Аҧсны афинансқәа Рминистрра иадҵоуп аминистрцәа Реилазаара арезервтә Фонд ахархәагақәа  абарҭ аусмҩаҧгатәқәа рфинанстәра азы азоужьра:
– Аҧсны аҵарадырреи аҭҵаареи Рминистрра 490 731 мааҭ Фазиль Искандер иалкаау ирҿиамҭақәа ҩ-шәҟәыкны рҭыжьра иазку аусмҩаҧгатәқәа рфинанстәразы иазоужьхоит;
– Аҧсны шьаҭанкылатәи аиҭашьақәыргыларазы Аусбарҭа Очамчыра араион, Кындыҕ ақыҭан афельдшертә пункт аҿы аиҭашьақәыргыларатә усурақәа рымҩаҧгаразы 245 370 мааҭ азоужьхоит;
– Аҧсны шьаҭанкылатәи аиҭашьақәыргыларазы Аусбарҭа Афон Ҿыц ақалақь, Ладариа аимҩаду аҿы иҟоу Аҿар Рхан аиҭашьақәыргылара иазку аусурақәа рынагӡаразы 5 000 000 мааҭ азоужьхоит;
– Гагра араион Ахадара Бзыҧтәи абжьаратәи ашкол №1 ахыбра аҿратә ган аиҭашьақәыргылара азы 450 000 мааҭ азоужьхоит.

Ақәҵара инақәыршәаны, Атәыла Анапхгара арезервтә Фонд ахархәагақәа  рхархәаҩцәа ироуа аҧаратә хархәагақәа хықәкылатәи рныхра ахылаҧшра аҭареи, иҟоу аҧҟарақәа инарықәыршәаны, ианаамҭоу уи азы аҳасабырбара афинансқәа Рминистрра аҿы аҟаҵареи рзы аҧхықәра рыдҵахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа