Ажәабжьқәа

Популярное

Астолтә ҧкьаҭмпыл азы XII Жәларбжьаратәи атурнир аҿы аиааира згаз еилкаахеит

1307
29.08.2019 17:28
Астолтә ҧкьаҭмпыл азы XII Жәларбжьаратәи атурнир аҿы аиааира згаз еилкаахеит
Атурнир Аҧсны астолтә ҧкьаҭмпыл Афедерациа актәи апрезидент Омар Кәарҷиа игәалашәара иазкуп.

Аҟәа. Нанҳәамза 29. Аҧсныпресс. Аҟәа ақалақь аҿы Аҧсны астолтә ҧкьаҭмпыл Афедерациа актәи апрезидент Омар Кәарҷиа игәалашәара иазкны астолтә ҧкьаҭмпыл азы XII Жәларбжьаратәи атурнир мҩаҧысит.

Атурнир рхы аладырхәит Аҟәа, Ҭҟәарчал, Гәдоуҭа, Гәылрыҧшь. Гагра, Цхьынвал, Вологда, Пермь, Ростовтәи аобласть Весиолое аҳабла, Самара, Петрозаводск, Шәача, Адлер рҟынтәи 50-ҩык инарзынаҧшуа аспортсменцәеи, иара убас Аҧсны атәылахьчара Аминистрреи Аҧсны иҟоу Урыстәыла Ацҳаражәҳәарҭеи рҟынтәи ахәмарыҩцәеи.  Хаҭалатәии ҩыџьа-џҩыџьалатәии аицлабрақәа мҩаҧган еиуеиҧшым ақәратә категориақәа ирыҵанакуаз ахацәа рыбжьара.

Хаҭалатәи аҧхьахәгара аҿы актәи аҭыҧ ааникылеит Едуард Апагуни (Шәача), аҩбатәи – Игорь Плиасовица (Шәача), ахҧатәи – Альберт Апагуни (Шәача).

Ҩыџьа-ҩыџьалатәи аҧхьахәгара аҿы актәи аҭыҧ ааныркылеит Ренат Карчааи (Аҟәа) Иосиф Тедееви (Цхьынвал), аҩбатәи – Игорь Кудзиев (Цхьынвал), Лаша Давитаиа (Аҟәа), ахҧатәи – Наур Карчааи (Аҟәа) Милор Абхазааи (Ҭҟәарчал), Роман Левша (Ростов), Нарҭ Ӡаҧшьба (Аҟәа).

Зымаха-зышьаха еибгам аинвалидцәа рыбжьара хаҭалатәи аҧхьахәгара аҿы актәи аҭыҧ ааникылеит Џьон Ҷан-Оглы (Гәдоуҭа), аҩбатәи – Алхас Амҧар (Пицунда), иара убас ахҧатәи – Роман Матиашов (Гәылрыҧшь).

Атурнир аӡбаҩ хада – Беслан Карчаа. Аиҿкааҩцәа – Аҧсны абҩарҵәыреи аспорти рзы аҳәынҭқарратә Еилаки, Аҧсны астолтә ҧкьаҭмпыл Афедерациеи.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа