Ажәабжьқәа

Аспектакль “Мастер и Маргарита” раҧхьаӡа акәны аҧснытәи ахәаҧшыҩ ирбахоит

121
10.04.2019 17:02
Аспектакль “Мастер и Маргарита” раҧхьаӡа акәны аҧснытәи ахәаҧшыҩ ирбахоит
Аурыс драматә театр аҿы апроект “Шедевры московской сцены” асезон ҿыц аӡыргара мҩаҧысит.

Аҟәа. Мшаҧымза 10. Аҧсныпресс. Дырмит Басариа. Ф. Искандер ихьӡ зху Аҳәынҭқарратә аурыс драматә театр аҿы имҩаҧысыз апресс-конференциа аҿы, апроект “Шедевры московской сцены” аҳәаақәа ирҭагӡаны, “Театр на Юго-Западе” ҳәа изышьҭоу Москватәи атеатр агастрольқәа ирыхцәажәеит.

Аусмҩаҧгатә аартуа, аурыс драматә театр анапхгаҩы хада Иракли Хьынҭәба инаҵшьны иазгәеиҭеит: “Шедевры московской сцены” асезон ҿыц аҿы ахәаҧшыҩ ҳтеатр асцена аҿы аспектакль “Мастер и Маргарита” аҧхьарбара дахәаҧшыр илшоит. Москва ари аспектакль ақәшәара даараӡа иуадаҩуп, уахь абилетқәа уи арбара хымз-шыбжьоу иаархәахьеит. Аспектакль аенергетика ҕәҕәаӡа аҵоуп, ахәаҧшыҩ дагәаланахалоит. Аспектакль рхы аладырхәуеит 30-ҩык инарзынаҧшуа актиорцәа, ари “Театр на Юго-Западе” ҳәа ахьӡ змоу атеатр атруппа зегьы ауп ҳәа уҳәаратәы иҟоуп”.

Ахәҭакахьала, Аҧсны акультуреи аҭоурых-культуратә ҭынха ахьчареи рминистр ихаҭыҧуаҩ Баҭал Кобахьиа инаҵшьны иазгәеиҭеит: “Абар хы-шықәса инеиҧынкыланы аҧснытәи ахәаҧшыҩцәа иреиҕьу москватәи атеатрқәа рактиорцәа инарыгӡо аспектакльқәа лабҿаба рыхәаҧшразы алшара рымоуп. Ари ахәаҧшцәа рырккара адагьы, иааизакны Аҧсны атеатралтә ҟазара аҿиара азы даараӡа акыр аҵанакуеит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа