Ажәабжьқәа

Популярное

Ашықәс актәи азыбжа иалагӡаны Афонҿыцтәи аҳаҧы иаҭааит 64 575-ҩык

171
19.07.2018 13:57
Ашықәс актәи азыбжа иалагӡаны Афонҿыцтәи аҳаҧы иаҭааит 64 575-ҩык
Ареспубликатә Унитартә Наплакы “Афонҿыцтәи аҳаҧы акомплекс” аҿы Аҧсныпресс акорреспондент ашықәсыбжа иалагӡаны иҟоу аусура алҵшәақәа рзы адырра иоуит.

Аҟәа. Ҧхынгәымза 19. Аҧсныпресс. Ҭамара Ачҧҳа. Афонҿыцтәи аҳаҧы аҳасабырбаҩ хада Ида Маршьанҧҳа Аҧсныпресс акорреспондент диҿцәажәо, 2018 шықәса актәи азыбжа азы иҟоу аусура алҵшәақәа рзы адырра ҟалҵеит: Ашықәс актәи азыбжа иалагӡаны аҳаҧы иаҭааз рхыҧхьаӡара 64 575-ҩык рҟынӡа инаӡоит. Иҭиин: зықәра наӡоу ауааҧсыра рзы 62 955 билеҭ, азинҷыда змоу рзы – 1 620 билеҭ. Аекскурсиақәа рымҩаҧгара аҟынтәи ахашәалахәу – 31 639 500 мааҭ рҟынӡа инаӡеит”.

Ида Маршьанҧҳа иҟалҵаз адыррақәа рыла: Ҳазҭоу ашықәс ҧхынгәымзазы ҳара иҳаҩсыз ашықәс азы иҳамаз арбагақәа рыла маҷк ҳаиҵахоит. Аха аҭагылазаашьа аиҕьтәра азы алшара шыҟоу убаратәы иҟоуп”. 

Аиҿырҧшразы Ида Маршьанҧҳа иҳаҩсыз ашықәс азы иҟаз арбагақәа аалгеит: “2017 шықәсазы ҳара зымаҵ ҳуз ауааҧсыра рхыҧхьаӡара 91 489-ҩык рҟынӡа инаӡоит, Иҭиин: зықәра наӡоу ауааҧсыра рзы 90 239 билеҭ, азинҷыда змоу рзы – 1 250 билеҭ. Аекскурсиақәа рымҩаҧгара аҟынтәи ахашәалахәу – 45 244 500 мааҭ рҟынӡа инаӡеит”. 

“Даара ҳақәгәыҕуеит сынтәагьы ҳусура аихшьаалақәа бзиахап ҳәа”, – лажәа хыркәшо илҳәеит Афонҿыцтәи аҳаҧы аҳасабырбаҩ хада Ида Маршьанҧҳа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа