Ажәабжьқәа

Популярное

Ашахматқәа рзы Жәларбжьаратәи атурнир “Аҟәафон-опен 2018” аҿы аиааира згаз рыхьӡқәа еилкаахеит

753
14.05.2018 11:53
Ашахматқәа рзы Жәларбжьаратәи атурнир “Аҟәафон-опен 2018” аҿы аиааира згаз рыхьӡқәа еилкаахеит
Атурнир аҧхьахәтә фонд 100 нызықь мааҭ рҟынӡа инаӡеит.

Аҟәа. Лаҵарамза 14. Аҧсныпресс. Аҟәа ақалақь аҿы имҩаҧысит ашахматқәа рзы Жәларбжьаратәи атурнир “Аҟәафон-опен 2018”.  Атурнир рхы аладырхәит  Аҧсны ақалақьқәеи араионқәеи, иара убас аладатәи Урыстәылеи  рҟынтәи еиуеиҧшым ақәратә категориақәа ирыҵанакуаз, 220 инарзынаҧшуа аспортсменцәа. Абри азы Аҧсныпресс ахь адыррақәа ҟаиҵеит Аҧсны ашахматқәа рзы Афедерациа апрезидент Константин Ҭыжәба. 
 
Аусмҩаҧгатә аартуа, Аҧсны ашахматқәа рзы Афедерациа апрезидент Константин Ҭыжәба, иарку Аокционертә Еилазаара “Аҟәафон-GSM”Аҧсны ахәыҷтәы спорт ианаҭо адгыларазы ҭабуп иҳәеит. 

Аицлабрақәа реихшьаалақәа рыла, Жәларбжьаратәи атурнир аҿы аиааира игеит изныкымкәа Аҧсны Ачемпион ҳәа ахьӡ занашьахьоу Артиом Табариан. 
                                              
Ашколхәыҷқәа рыбжьара иреиҕьу алҵшәақәа аадырҧшит: актәи аҭыҧ ааникылеит Роланд Бигәаа, аҩбатәи – Леон Шамба, ахҧатәи – Даниель Гаспариан.

Амилаҭтә реитинг аҿы ашахматистцәа зегьы дреиҕьхеит Ҭемыр Шанаа. 
         
Аҭыҧҳацәа рыбжьара иреиҕьу алҵшәақәа аадырҧшит Алина Асланиан, Деиа Амҷба, Ксениа Скворцова.
       
Аветеранцәа реицлабра аҿы аиааира игеит Константин Ҭыжәба. 
 
Иара убас, 9 шықәса зхыҵуеи,11 шықәса зхыҵуеи ахәыҷқәа рыбжьарагьы хазы атурнир мҩаҧган.

Араҟа (11 шықәса зхымҵыц ахәҷқәа рыбжьара) аиааира игеит ашахматист қәыҧш Аскар Аџьынџьал.
       
Аҩбатәи аҭыҧ ааникылеит Михаил Ҭаркьыл, ахҧатәи – Сарида Лакәатааҧҳа, уи, иара убас, аҭыҧҳацәа рыбжьара иреиҕьу ахәмарыҩ ҳәа далкаахеит.

9 шықәса зхымҵыц рыбжьара аиааира ргеит: актәи аҭыҧ ааникылеит Ҭемыр Аушев, аҩбатәи аҭыҧ – Артиом Задорожныи, ахҧатәи – Богдан Турков.

9 шықәса зхымҵыц аӡҕабцәа рыбжьара иреиҕьу ахәмарыҩ ҳәа далкаахеит – Валериа Цулукиа.

7 шықәса зхымҵыц рыбжьара аиааира ргеит: Петрос Козанджиан, Дамир Џьопуа, Нестор Ажьиба.
 
7 шықәса зхымҵыц аӡҕабцәа рыбжьара аиааира ргеит: Арина Абдокова, Софиа Лакоба, Алиса Кәыҵниа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа