Ажәабжьқәа

Популярное

Ашьа адонрра азакәанҧҵара ала иҳәаақәҵахоит

2141
07.02.2020 14:22
Ашьа адонрра азакәанҧҵара ала иҳәаақәҵахоит
Актәи аҧхьараҿы “Ашьа адонорреи уи ахәҭақәеи рзы” азакәан апроект рыдыркылеит.

Аҟәа. Жәабранмза 7. Аҧсныпресс. Лана Ҵәыџьба. Аҧсны Жәлар Реизара – Апарламент аилатәара аҿы “Ашьа адонорреи уи ахәҭақәеи рзы” азакәан апроект алацәажәара иалагеит.  

Аусшәҟәы адгалара мҩаҧго, асоциалтә политикеи, аџьеи, агәабзиарахьчареи, адемографиеи, аибашьара аветеранцәеи аинвалидцәеи рзы апарламенттә Еилакы ахантәаҩы Алхас Џьынџьал инаҵшьны иазгәеиҭеит: “Аҧсны иҟоу атәылауаа рхыҧхьаӡара ала шықәсык иалагӡаны  5 нызықь инарзынаҧшуа хатәгәаҧхарала ашьа аҭара алыршазароуп, аха ҳара 800 роуп иҳауа. Уи даара имаҷу ҩаӡароуп”. 

Алхас Џьынџьал иҟаиҵаз адыррақәа рыла, ашьеи уи ахәҭақәеи ралаҵара азы аҭагылазаашьақәа, адонорцәеи апациентцәеи ргәабзиара ашәарҭадара алыршара, урҭ рзинқәеи рхыдҵақәеи, уҳәа азакәан апроект ала иҳәаақәҵахоит. Аҳәынҭқарра адонортә шьалаҵара аганахьала аҳәынҭқарратә хылаҧшра мҩаҧнагоит, иара убас адонортә шьалаҵара аусхкы аганахьала алаборатортә усмҩаҧгатәқәа рынагӡара ахаҭабзиара анҭыҵтәи ахылаҧшра азҧхьагәанаҭоит.  

Хәыда-ҧсада ашьеи уи акомпонентқәеи азҭаз адонор идгалахо асоциалтә дгылара иадҳәалоу ауснагӡатәқәа ралагалара Азакәан апроект ихадоу ҧҟараны иҟоуп.  Асоциалтә дгылара иадҳәалоу ауснагӡатәқәа ралагалара азы ахәҭаҷ аҧҟарақәа инарықәыршәаны, 10-нтә, ма инареиҳаны ашьеи уи акомпонентқәеи азҭаз адонор ашьа азеиҧш анализ, ашьақар аҩаӡара, иара убас фымз-рахь знык азеиҧш холестерин аҩаӡара аҭҵааразы хәыда-ҧсада анализқәа рыҭаразы азин имоуп. 

Ауааҧсыра рыҩныҵҟа ашьа адонорра амотивациа аҭареи, иарҭо ашьа арбагақәа реизырҳареи хықәкыс иҟаҵаны, азакәан апроект ала, “Аҧсны зҽаҧсазтәыз адонор” ҳәа аҳаҭыртә хьӡы  алагалахоит. Уи 40-нтәы, ма инареиҳаны ашьа азҭахьоу адонор ианашьахоит. 

Аҳаҭыртә хьӡы аиура агәышҧтәы дырга анашьареи, иара убас зныктәи аҧаратә ҳамҭа аҭареи азҧхьагәанаҭоит.  

Азакәан апроект инақәыршәаны, ашьа адонорра иаку абаза шьақәыргылахоит, иара убас, аинфекциақәа рыиагара  ашәарҭара аҧхьырҟәҟәаареи, планла ишьақәыргылоу аҧҟарақәа рымҩаҧгараан иҟалар зылшо ашьацәцара азы ашәарҭара акыр армаҷреи рзы аутодонорра алагалахоит (аред. – планла ишьақәыргылоу аҧҟара аламҭалазы ашьацәцара ахарҭәаара хықәкыс иҟаҵаны, ауаҩы ихатәы шьа акомпонентқәа (аеритроцитқәа) рыла аиқәыршәара иадҳәаланы имҩаҧгахо апроцедура

Азакәан апроект актәи аҧхьараҿы ирыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа