Ажәабжьқәа

Популярное

Ашәҟәы ансамбль аҭоурых адагьы ажәлар рҭоурыхгьы анылеит – Кандид Тарба

633
20.08.2015 16:14
Ашәҟәы ансамбль аҭоурых адагьы ажәлар рҭоурыхгьы анылеит – Кандид Тарба
Аҧсны акультуреи аҭоурыхтә-культуратә ҭынхақәа рыхьчареи аминистрра аҿы Заира Ҵыџьҧҳа лышәҟәы “Танец как жизнь” аӡыргара мҩаҧысит. 

Аҟәа. Август 20. Аҧсныпресс. Ашәҟәы ансамбль “Кавказ” аҧҵаҩы, асахьаркыратә наҧхгаҩы Кандид Ҭарба 70-шықәса ихыҵра иадҳәаланы иҭыжьуп.

“Сара акыр аџьабаа здыжәбалаз ашәҟәы аҭыҵра ахьалыршахаз шәыдысныҳәаларц сҭахуп”, – автор лахь лхы рханы илҳәеит акультуреи аҭоурыхтә-культуратә ҭынхақәа рыхьчареи аминистр Ельвира Арсалиаҧҳа.

“Ари даара акыр зҵазкуа ҭыжьымҭоуп, уи ҭоурыхтә хыҵхырҭахоит. Ара ианыҧшит аколлектив иамоу ибеиоу аҭоурых адагьы, шьахәлаҵәҟьа уи анаҧхгаҩы ирҿиаратә мҩагьы”, – ҳәа иазгәалҭеит лара. 

 Кандид Ҭарба иажәақәа рыла, ашәҟәы ианылеит аколлектив аусураҿы иҟаз иналукааша ахҭысқәа. 

“Ансамбль “Кавказ” аҧҵара азы аидеиа Аҧсны жәлар рџьынџьтәылатәи еибашьраан ауп иансызцәырҵыз. Сара, аҟазара знапы алаку уаҩык иаҳасабала, аиааира шааго агәра ганы сыҟан. Ансамбль аҧҵара азы исымаз агәазыҳәара нагӡахеит. Август 8, 1994 шықәсазы актәи арепитициа мҩаҧган. Сентиабр 30 рзы Аиааира агара Амш актәи ашықәс азгәаҭара аан ансамбль “Кавказ” номер дук ала иқәгылеит. Ашәҟәы ансамбль аҭоурых адагьы ажәлар рҭоурыхгьы анылеит. Ашықәсқәа цашт, еиҵагыло ҳҿар арҿиаратә коллектив изнысыз амҩа ргәаладыршәалап ҳәа агәыҕра сымоуп. Уи азы ари ашәҟәы цхыраагӡа дуны иҟалашт”,́ – ҳәа инаҵшьны иазгәеиҭеит Кандид Ҭарба. 

 “Убас иҟалеит, ари аколлектив иазкны лассы-лассы еиуеиԥшым аматериалқәа сырхиалон. Уажәшьҭа ашәҟәы аҩра иаамҭоуп ҳәа агәаанагара сызцәырҵит, уи аус дақәшаҳаҭхеит, адгыларагьы сиҭеит Кандид Ҭарба”, – ҳәа лажәахә аҿы иазгәалҭеит ашәҟәы автор Заира Ҵәыџьҧҳа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа