Ажәабжьқәа

Ашәарҭадара Ахеилак аилатәара: Аҳәынҭқарра Ахада азинхьчаратә еилазаарақәа ирыдиҵеит ауаажәларра ирылаҩыз ашьаустә ҭҵаарақәа ирызку аусура дырҕәҕәарц

71
16.07.2019 15:58
Ашәарҭадара Ахеилак аилатәара: Аҳәынҭқарра Ахада азинхьчаратә еилазаарақәа ирыдиҵеит ауаажәларра ирылаҩыз ашьаустә ҭҵаарақәа ирызку аусура дырҕәҕәарц
Аилатәара аҿы аҩныҵҟатәи аусқәа рминистр Гарри Аршба ҧхынгәымза 15, 16 рзы имҩаҧысыз ахҭысқәа рзы адырра ҟаиҵеит.

Аҟәа. Ҧхынгәымза 16. Аҧсныпресс. Аҧсны Аҳәынҭқарра Ахада Рауль Ҳаџьымба ашәарҭадара Ахеилак аилатәара мҩаҧигеит. Абри атәы аалыцҳауеит Аҳәынҭқарра Ахада ипресс-маӡаныҟәгаҩ Наала Аҩӡҧҳа.

Атәыла аҩныҵҟатәи аусқәа рминистр Гарри Аршба  ҧхынгәымза 15, 16 рзы имҩаҧысыз ахҭысқәа рзы адырра ҟаиҵеит:

“Иацуха, асааҭ 11 инарзынаҧшуа, Ҧанцулаиа рҭаацәа ахьынхоз аҩны амца акит. Амцарцәаҩцәа ргәыҧи амилициа аусузцәеи еицны ахҭыс ахьыҟалаз аҭыҧ ахь ицеит. Амца аанкылан. Уа амилициа аусзуцәа рнариад ықәыргылан. Иара убас 01:40 сааҭ рзы Тҟәарчал ақалақь аҟынтә ҭелла иаарыцҳаит Тҟәарчал ақалақь адгьылҵакыраҿы Ҧанцулаиаа рҭаацәа ахьынхоз аҩнгьы амца шакыз. Уахь идәықәҵан амцарцәаҩцәеи амилициа аусзуцәеи, абылра аанкылан.

Анаҩс еилкаахеит, ишьу Кәыҵниа иҭынхацәа Ҧанцулаиаа мчыла иаанкыланы ишрымоу. Амҩақәа зегьы аркын ауха. Рыцҳарас иҟалаз, имҩаҧгоу аусурақәа макьаназы лҵшәа ҳәа акагьы рымам”.

Аҳәынҭқарра Ахада азинхьчаратә еилазаарақәа ирыдиҵеит ауаажәларра ирылаҩыз ашьаустә ҭҵаарақәа ирызку аусура дырҕәҕәарц: “Азинхьчаратә еилазаарақәа рнапхгаҩцәа зегьы еиҭа адҵа рысҭоит, сақәымчынгьы ишәыдысҵоит зыҧшаара иаҿу ахаҿқәа рганахьала иаҭаху ауснагӡатәқәа рымҩаҧгаразы, Ҧанцулаиаа рыҧшаареи, иара убас иаанкылоу ауаа рхы рақәиҭтәразы. Мерцхәылаа иганахьала иҟаҵаз ацәгьоура ала аусура рӷәӷәатәуп ацәгьоура иалахәыз егьырҭ ахаҿқәа зегьы рышьақәыргыларазы, иара убас ишәцәыбналази ацәгьоура ҿазҵази рганахьалагьы”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа