Ажәабжьқәа

Популярное

Асааҭ 18:00 рзы ареспублика иахьаҵанакуа зыбжьы зҭииз алхыҩцәа рхыҧхьаӡара 48,48% рҟынӡа инаӡахьеит

577
25.08.2019 18:55
Асааҭ 18:00 рзы ареспублика иахьаҵанакуа зыбжьы зҭииз алхыҩцәа рхыҧхьаӡара 48,48% рҟынӡа инаӡахьеит
Аҧсны Аҳәынҭқарра Ахада иалхрақәа мҩаҧысуеит.

Аҟәа. Нанҳәамза 25. Аҧсныпресс. Лана Ҵәыџьба. Алхратә комиссиа Хада жәларбжьаратәи апресс-центр аҿы Аҧсны Аҳәынҭқарра Ахада иалхрақәа шымҩаҧысуа азы адырра ҟарҵеит.

Алхратә комиссиа Хада апресс-маӡаныҟәгаҩ Елена Лабахәуа иҟалҵаз адыррақәа рыла, асааҭ 18:00 рзы абжьыҭиразы иааз алхыҩцәа рхыҧхьаӡара 48,48% рҟынӡа инаӡахьеит – уи 61 нызықь 20-ҩык роуп.

Убри аан, алхратә комиссиа Хада ахантәаҩы Ҭамаз Гогиа 2014 шықәсазы имҩаҧгаз Аҧсны Аҳәынҭқарра Ахада иалхрақәа ирыдҳәалоу аиҿырҧшратә рбагақәа ааигеит: “Усҟан, асааҭ 18:00 рзы зыбжьы зҭииз алхыҩцәа рхыҧхьаӡара 55,84% рҟынӡа инаӡахьан. Ишыжәбо еиҧш, маҷ аиҵахара ыҟоуп”. Уи иажәақәа рыла, аиҳарак аиҵахара ахьыҟоу Гагра араион аҿы ауп. “Уи Гагра араион атуристтә усхкы акыр иахьадҳәалоу иахҟьазар ҟалоит. Ҳара агәыҕра ҳамоуп, амш анҵәамҭаз аҭагылазаашьа аҽшаҧсахуа азы”, – ҳәа иҳәеит Ҭамаз Гогиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа