Ажәабжьқәа

Асҭамыр Џьыкырба Аҟәатәи абжьаратәи ашкол №2 азы: аргыларатә усурақәа иахәҭоу аҩаӡара аҿы имҩаҧысуеит

591
29.08.2019 15:00
Асҭамыр Џьыкырба Аҟәатәи абжьаратәи ашкол №2 азы: аргыларатә усурақәа иахәҭоу аҩаӡара аҿы имҩаҧысуеит
А. С. Пушкин ихьӡ зху аҟәатәи абжьаратәи ашкол №2 аҿы иҟалаз абылра ашьҭахь имҩаҧысуа аиҭашьақәыргыларатә усурақәа ргәаҭарақәа рзы акомиссиа агәаҭара мҩаҧнагеит.

Аҟәа. Нанҳәамза 29. Аҧсныпресс. Дамеи Касланӡиа. Аҧсны аҧыза-министр иабжьгаҩ Асҭамыр Џьыкарба ихантәаҩрала иаҧҵоу акомиссиа, А.С.Пушкин ихьӡ зху аҟәатәи абжьаратәи ашкол №2 аҿы иҟалаз абылра ашьҭахь имҩаҧысуа аиҭашьақәыргыларатә усурақәа ргәаҭарақәа рзы акомиссиа агәаҭара мҩаҧнагеит.

Аиҭашьақәыргылара атәыла Ахада ирезервтә Фонд ахарџь ала имҩаҧысуеит.

Аҳәынҭқарратә Еилакы “Аҧсныргылара” анапхгаҩы Хада Ҭемыр Ҭҟебучаа имҩаҧгоу аусура азы адырра ҟаиҵеит: “Жьҭаара 1 азы ҳара аҵаратә корпусқәа ҩба ахархәарахь ираҳҭоит. Егьи акорпус, еиҳа ааха ахьаиуз инамаданы, мызки бжаки ирылагӡаны ахархәарахь ирыҭахоит. Ашкол зегьы зымҽханакуа асигнаизациа зцу абылрацәыхьчаратә система, алыҕәра аҿы – амцарцәареи алҩақәгареи ирызку асистема шьақәыргылахоит. Ахыбра маҷк ада ихыркәшоуп, уи ахаҭабзиара астандартқәа зегьы ирықәшәо инагӡоуп. Аусурақәа маҷк ада ихыркәшоуп”.

Ашкол адиректор Ирина Повирскер аҵаратә процесс ашьақәыргыларазы ирымоу азҧхьагәаҭарақәа дрылацәажәеит: “Ҳара ҳҵаҩцәа ҩ-школк рахь еихшоуп – “Альфа” ашколи латәара-латәарадатәи ашколи №9. Цәыббрамза 2 рзы ашколтә цәаҳәақәгылареи акласстә сааҭқәеи мҩаҧгахоит. Аргылаҩцәа аҭыҧ дырхиеит, араҟа ашкол аҿы аҵара актәи амш иазку аусмҩаҧгатәқәа мҩаҧаагоит. Ҳара ҳхәыҷқәа цәыббрамза 1 рзы традициала имҩаҧгахо аныҳәатә усмҩаҧгатәқәа ирылхәдахааӡом. Жьҭаарамза алагамҭазы 3 корпуск рҟынтәи 2, иара убас 4 класск уадак ахархәарахь ирыҭахоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа