Ажәабжьқәа

Популярное

Асҭамыр Кецба: Аҧсны атәылауаҩшәҟәқәа иҿыцу рыхкы ауааҧсыра рыҭара иадҳәаланы ицәырҵуа ауадаҩрақәа зегьы аамҭа кьаҿ иалагӡаны иӡбазароуп

235
04.07.2018 11:28
Асҭамыр Кецба: Аҧсны атәылауаҩшәҟәқәа иҿыцу рыхкы ауааҧсыра рыҭара иадҳәаланы ицәырҵуа ауадаҩрақәа зегьы аамҭа кьаҿ иалагӡаны иӡбазароуп
Аҧсны аҧыза-министр Асҭамыр Кецба Ҭҟәарчали Очамчыреи рраионқәа рҿы ауааҧсыра паспортла реиқәыршәара иадҳәалоу азҵаарақәа рыӡбара азы аусуратә еилатәара мҩаҧигеит.

Аҟәа. Ҧхынгәымза 4. Аҧсныпресс. Аҧсны аҧыза-министр Асҭамыр Кецба Ҭҟәарчал араион Ахадара аҿы имҩаҧигаз аусуратә еилатәара аҿы ауааҧсыра паспортла реиқәыршәара шымҩаҧысуа атәы далацәажәеит. Абри азы адырра ҟанаҵоит аминистрцәа Реилазаара аофициалтә саит. 

Аацҳамҭа излаанацҳауа ала, Ҭҟәарчал араион апаспорттә ҟәша аиҳабы Ельвира Аршба араион аҿы апаспортизациа шымҩаҧысуа азы адырра ҟалҵеит. “Иахьазы ирыҭоуп 3 890 инарзынаҧшуа иҿыцу ахкы змоу аҩныҵҟатәи атәылауаҩшәҟәқәа рыҭара мҩаҧгоуп. Анхаразы азин зырҵабырго аусшәҟәы аиуразы 914 арзаҳал ҳадаҳкылеит, урҭ рахьынтә 623 рыҭара алыршахеит”, – ҳәа иазгәалҭеит Ельвира Аршба. Уи лажәақәа рыла, аамҭа кьаҿ иалагӡаны,Ҭҟәарчал араион аҿы ауааҧсыра рпаспортизациа иадҳәалоу апроцесс ахыркәшамҭахь инеиуеит. 

Убри аан, Ельвира Аршба иазгәалҭеит: “Ҭҟәарчал инхоит 5 нызықь-ҩык инарзынаҧшуа, 4 нызықь-ҩык  иҿыцу ахкы змоу атәылауаҩшәҟәқәа роухьеит. Ҭҟәарчал араион иаҵанакуа ақыҭақәа рҿы инхоит 10 нызықь-ҩык инарзынаҧшуа ауааҧсыра. Урҭ рҕьырак анхаразы азин зырҵабыргуа аусшәҟәы аиура азы алшара рымоуп. Абри зегьы араион аҿы апаспортизациа ахыркәшарахь ишнеиуа арҵабыргоит”. 

Ахәҭакахьала, аилатәара алахәылацәа, ауааҧсыра рҟынтәи иаауа ашшыбҕьыцқәеи атәылауаҩшәҟәы аиуразы иахәҭоу адокументқәа реизгара армариареи рзы аҳәарақәеи инарымаданы, иҿыцу ахкы змоу атәылауаҩшәҟәқәа рыҭара аконцепциа аиҭахәаҧшра азы ажәалагала ҟарҵеит.

Аиҧш-зеиҧшу аилатәара Асҭамыр Кецба иара убас Очамчыра араион апаспорттә ҟәша аҿгьы имҩаҧигеит.

Аҟәша аиҳабы Мзивинат Какәыриӡе иҟалҵаз адыррақәа рыла, иарбоу амаҵзура ала иахьазы 6 873 рҟынӡа атәылауаҩшәҟәы рыҭоуп, убри аан,162-ҩык Қырҭтәыла атәылауаҩра змоу Аҧсны атәылыуаҩшәҟәы рыҭара азы мап рыцәкын. Анхара азы азин зырҵабырго аусшәҟәы аиура азы 280 азыҳәамҭа рыдыркылахьеит, урҭ рахьынтә 167-ҩык ари аусшәҟәы рнапы иаркын.

“Аҧсны атәылауаҩшәҟәқәа иҿыцу рыхкы ауааҧсыра рыҭара иадҳәаланы ицәырҵуа ауадаҩрақәа зегьы аамҭа кьаҿ иалагӡаны иӡбазароуп”, – ҳәа инаҵшьны иазгәеиҭеит Асҭамыр Кецба. 

Изаамҭанытәиу агәаҭаратә ҭаара азҧхьагәаҭоуп Гәдоуҭа араион ахь.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа