Ажәабжьқәа

Популярное

Асҭамыр Ахба: Ашықәс алагамҭа инаркны иахьатәи аамҭанӡа Аҧсны 700 нызқьҩык инареиҳаны аҧсшьаҩцәа аҭаахьеит

567
20.08.2015 13:10
Асҭамыр Ахба: Ашықәс алагамҭа инаркны иахьатәи аамҭанӡа Аҧсны 700 нызқьҩык инареиҳаны аҧсшьаҩцәа аҭаахьеит
Сынтәа Аԥсны иаҭаауа рхыԥхьаӡара ҵыԥх аасҭа еиҳауп, уи убаратәы иҟоуп. 

Аҟәа. Август 20. Аԥсныпресс. “Ашықәс алагамҭа инаркны 700 нызқьҩык аԥсшьаҩцәа ҳтәыла иаҭаахьеит, иарбоу ахыԥхьаӡара мышкы ҳәа иаауаа атуристцәагьы алоуп. Иара убас ашықәс Ҿыц азы иаауаз атуристцәагьы рхыԥхьаӡара рацәан. Сынтәа Аԥсны Аҳәынҭқарра аҳәаа иахыҵхьо аекскурсиатә автобусқәа рхыԥхьаӡара атәы уҳәозар, урҭ хнызқь рҟынӡа инаӡоит, амикроавтобусқәа – ԥшьнызқь иреиҳауп”, – ҳәа “Аԥсныпресс” акорреспондент диҿцәажәо иҳәеит акурорти атуризми рминистр ихаҭыԥуаҩ Асҭамыр Ахба. 

Уи иажәақәа рыла, Аԥсны аԥсшьарҭа ҩнқәа рҿы 15 нызқьҩык рҭыԥ роуп иҳамоу. Зыҩнқәа рҿы апсшьаҩцәа ҩназҵо иааидкыланы 40 нызқьҩык рҭыԥ рымоуп. Иунь, иуль, август атуристцәа рыдкыларазы ихадароу мзақәоуп. 

“Ашықәс анынҵәо иаҳҭааз аԥсшьаҩцәа рхыԥхьаӡара миллионҩык рҟынӡа инаӡап ҳәа агәыӷра ҳамоуп. Иахьазы Риҵа 400 нызқьҩык атуристцәа аҭаахьеит, ҽнак ала – 5 нызқьҩык инареиҳаны аднакылоит, Афон Ҿыцтәи аҳаԥы – 265 нызқьҩык, ҽнак – 3500-ҩык рҟынӡа”, – ҳәа иазгәеиҭеит Асҭамыр Ахба. 

Аминистр ихаҭыԥуаҩ ишазгәеиҭаз ала, Аԥсшьарҭатә ҩнқәа рзы ашәахтәқәа ҩхкык ыҟоуп. Ашәахтә ҷыда уи 50 иарҭа ҭыԥ змоу рзы, ахаҳәтә ԥсшьарҭатә ҩнқәа рҿы 2000 мааҭ рҟынӡа инаӡоит, амҿтәы ҩнқәа – 1500 мааҭ, егьырҭ иацҵоу ахәԥса ашәахтә, азеиԥш хашәалахәы азы, ахашәалахәы азы ашәахтә 18 %, адгьыл азы хазы иҟоу ашәахтә ршәоит. Апсшьарҭатә ҩнқәеи урыстәылатәи атуроператорцәеи аус еицыруеит, урҭ Аԥсны иаҭааларц имҩаԥырго аӡыргара азы 20% роуеит. 

“Зуадақәа қьырала аԥсшьаҩцәа ирызҭо ауааԥсыра рзгьы ашәахтә ыҟоуп, мызкы иарҭак ахә ауп иршәо, уи 400 мааҭ артәоит, акурорттә еизгатәы 30 мааҭ, иара убас ашәҟәҭагалартә еизгатәы 70 мааҭ ыҟоуп”, – иҳәеит иара. 

Асҭамыр Ахба “Аԥсныпресс” акорреспондент ишизеиҭеиҳәаз ала, Очамчыра, Гәылрыԥшь, Тҟәарчал араионқәа рҿы апсшьарҭатә ҩнқәа еиҿкаатәуп. Уа атуризм аганахьала ухы иаурхәаша аресурсқәа ыҟоуп. “Аамҭа ԥхьаҟа ицоит, иҿыцу аԥшьгарақәагьы хымԥадатәиуп, ҳсервис аиӷьтәрагьы аҭахны иҳаԥхьаӡоит. Аԥсшьаҩы даҽазныкгьы арахь аара игәаԥхо иҭахракәа ҳрықәшәозароуп. Аҭагылазаашьа бзиақәа аԥаҳҵар, иаауа рхыԥхьаӡара еиҳахоит. Аха иагьа ус иҟазаргьы, Аԥсны иахьазы миллионҩык аԥсшьаҩцәа инареиҳаны иаднакылартә еиԥш аҭагылазаашьа амам”, – ҳәа инаҵшьны иазгәеиҭеит иара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа