Ажәабжьқәа

Популярное

Артур Амқәаб: адиспансеризациа – атәыла анаҧхгара азы ихадоу хырхарҭоуп

586
19.10.2015 12:29
Артур Амқәаб: адиспансеризациа –  атәыла анаҧхгара азы ихадоу хырхарҭоуп
Азеиҧш диспансеризациа ахысра аҳәаақәа ирҭагӡаны, Аҧснытәи аҳәынҭқарратә университет аҿы аҳақьымцәа зцу еиҭаҵуа амобилтә поликлиника аусура иалагеит.

Аҟәа. Октиабр 19. Аҧсныпресс. Ирена Џьопуаҧҳа
. Зыӡбахә ҳамоу амобилтә поликлиника аусура актәи амш азы ААУ даҭааит атәыла аҧыза-министр Артур Амқәаб.

“Адиспансеризациа ҳтәыла ауааҧсыра ргәабзиара арҕәҕәара иазкуп, убри азы уи атәыла анаҧхгара азы - ихадоу хырхарҭоуп. Рыцҳарас иҟалаз, иахьа хара инхо, арахь иааны аҳақьымцәа рхы ддырбартә аҭагылазаашьа змам ауаа рацәаҩны иҟоуп. Ҳара урҭ рахь ҳцаны ззанааҭтә дырра аҩаӡара ҳараку аспециалистцәа рызнагара ҳуалуп ҳәа исыҧхьаӡоит”, – ҳәа инаҵшьны иазгәеиҭеит аҧыза-министр.

ААУ аҿы аус зуа еиҭаҵуа амобилтә поликлиника анаҧхгара алҭоит Аҟәа ақалақь 3-тәи аполиклиника аҳақьым хада Ирма Воуҧҳа.

Уи лажәақәа рыла, ауниверситет аҿы аусура иалагӡаны ирыхәаҧшхоит 2700-ҩык рҟынӡа астудентцәа.

“Раԥхьаӡа иргыланы агәаҭарақәа ирхысуеит актәи акурс аҿы итәоу астудентцәа. Урҭ рхыҧхьаӡара 600-ҩык рҟынӡа инаӡоит. Уи аамышьҭахь ҳара Ҭҟәарчалҟа ҳаиасуеит”, – лҳәеит Ирма Воуҧҳа.

ААУ аҿы еиҭаҵуа х-кабинетк аус руеит. Адкылара мҩаҧыргоит хәҩык аҳақьымцәа. "Афтольмолог, ахирург, отоларинголог, астоматолог, арентген, УЗИ, уҳәа акобинетқәа аус руеит. Иара убас ашьа агәаҭарақәа еиҿкаахоит. Ҳара адиспансеризациа актәи аетап амҩаҧгаразы иахәҭоу амаҭәахә зегьы ала ҳаиқәыршәоу”, – ҳәа иазгәалҭеит Аҟәа ақалақь 3-тәи аполиклиника аҳақьым хада Ирма Воуҧҳа.

Аҧснытәи аҳәынҭқарратә университет аҿы адиспансеризациа иарбоу аетап октиабр 30 рзы ихыркәшахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа