Ажәабжьқәа

Ареспубликатә Унитартә Наплакы “Амшынеиқәафымцамч": Егрытәи аӡфымцатә Станциа акомплекс аобиект зиурисдикциа иаҵанакуа аган ақәшаҳаҭра ада аусурақәа рымҩаҧгара ҟалаӡом

73
14.05.2019 12:30
Ареспубликатә Унитартә Наплакы “Амшынеиқәафымцамч": Егрытәи аӡфымцатә Станциа акомплекс аобиект зиурисдикциа иаҵанакуа аган ақәшаҳаҭра ада аусурақәа рымҩаҧгара ҟалаӡом
Ареспубликатә Унитартә Наплакы “Амшынеиқәафымцамч" апресс-маҵзура Қырҭтәыла аекономикеи иҭышәынтәалоу аҿиареи рминистр Наҭииа Турнава иҟалҵаз аҳәамҭа иахцәажәеит.

Аҟәа. Лаҵарамза 14. Аҧсныпресс. Ареспубликатә Унитартә Наплакы “Амшынеиқәафымцамч" апресс-маҵзура Қырҭтәыла аекономикеи иҭышәынтәалоу аҿиареи рминистр Наҭииа Турнава аӡфымцатә Станциа Аӡылбааҽҽақәа рҿы аусурақәа рылагара инамаданы иҟалҵаз аҳәамҭа иахцәажәеит.

Ахҳәаа аҿы, ахәҭакахьала инаҵшьны иазгәаҭоуп:

“Лаҵарамза 13, 2019 шықәса рзы, амассатә информациа ахархәагақәа рыла иарбаз Егрытәи аӡфымцатә Станциа аӡыхкыра (Џьвартәи аӡеизакыра, Қырҭтәыла) аҭаара аан, атәыла аекономикеи иҭышәынтәалоу аҿиареи рминистр Наҭиа Турнаа аҳәамҭақәа ҟалҵеит. Урҭ иреиуоуп ақырҭуа ган Аҧсны Аҳәынҭқарра аҵакыраҿы иҟоу Егрытәи аӡфымцатә Станциа Аӡылбааҽҽақәа рҿы аусурақәа рылагара шазҧхьагәанаҭаз азы аҳәамҭагьы.

Аиашазы, Егрытәи аӡфымцатә Станциа Аӡылбааҽҽақәа ҧшьба рҟынтәи иахьазы акы ауп аус зуа. Аӡылбааҽҽақәа ркомплекс зегьы аиҭашьақәыргылареи амодернизациеи шаҭаху аҩ-ганк аенергетикцәа рзы имаӡам. Аха ишәгәалаҳаршәарц ҳҭахуп даҽакгьы, Егрытәи аӡфымцатә Станциа ахархәара Аҧсни Қырҭтәылеи еицынарыгӡоит. Убри аҟнытә, аобиект аусура иадҳәалоу азҵаарақәеи аӡбамҭақәеи  аҩганк еицрыдыркылоит. Егрытәи аӡфымцатә Станциа акомплекс аобиект зиурисдикциа иаҵанакуа аган ақәшаҳаҭра ада, егьи аган аусурақәа рымҩаҧгаразы азин амаӡам.

Убас ала, ҳара ҭакҧхықәрала аҳәамҭа ҟаҳҵоит, аминистр дызлацәажәоз Аҧсны иахьаҵанакуа аусурақәа рылагаразы изеиҧшразаалак аиқәшаҳаҭра ҳәа аҭыҧ амаӡамызт.  Аха, ҳара “ари атема аполитикатә хықәкқәа рынагӡаразы ахархәара иашаӡам” ҳәа уи лажәақәа жәаҳәарада ҳрықәшаҳаҭуп, ҳусураҿгьы уи апозициа ҳақәныҟәоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа