Ажәабжьқәа

Популярное

Ареспубликатә политикатә партиа “Аҧсны Жәлар Ракзаара Афорум” алахәылацәа Аџьынџьтәылатәи еибашьра Дуӡӡа аветеранцәа Аиааира ду Амшныҳәа рыдырныҳәалеит

98
09.05.2018 10:54
Ареспубликатә политикатә партиа “Аҧсны Жәлар Ракзаара Афорум” алахәылацәа Аџьынџьтәылатәи еибашьра Дуӡӡа аветеранцәа Аиааира ду Амшныҳәа рыдырныҳәалеит
“Аҭоурых адаҟьақәа ирнылаз аибашьрақәа ирызку адокументалтә ҩырақәа рҿы, зыҧсадгьыл ахьчара иҩагылаз шәҩыла зеиҕьаҟам Аҧсны аҧацәеи аҧҳацәеи рыхьӡқәа аҭыҧ ҕәҕәа ааныркылоит”, – ҳәа иазгәаҭоуп адныҳәалараҿы.

Аҟәа. Лаҵарамза 9. Аҧсныпресс. Ареспубликатә политикатә партиа “Аҧсны Жәлар Ракзаара Афорум” алахәылацәа Аџьынџьтәылатәи еибашьра Дуӡӡа аветеранцәа Аиааира ду Амшныҳәа рыдырныҳәалеит.

Адныҳәалараҿы ахәҭакахьала иазгәаҭоуп: 

“Ҳаҭыр зқәу аветеранцәа! 

Гәык-ҧсыкала ишәыдаҳныҳәалоит Аиааира Ду амшныҳәа!  Ҳара ҳажәлар Шәара Аџьынџьтәылатәи еибашьра Дуӡӡа аҿы иаашәырҧшыз агәымшәареи афырхаҵареи рзы ргәы дууп!

Аҭоурых адаҟьақәа ирнылаз аибашьрақәа ирызку адокументалтә ҩырақәа рҿы, зыҧсадгьыл анемец-фашисттә мпыҵахалыҩцәа рҟынтәи ахьчара иҩагылаз шәҩыла зеиҕьаҟам Аҧсны аҧацәеи аҧҳацәеи рыхьӡқәа аҭыҧ ҕәҕәа ааныркылоит.

Гәык-ҧсыкала ишәзеиҕьаҳшьоит агәабзиара, агәалаҟазаара бзиеи агәамчи, аҧсуа ишықәснҵыра дууи! Аҧсуа жәлар зегьы ари иҧшьоу аныҳәа ду рыдаҳныҳәалоит” Ҳаҭыр зқәу ҳџьынџьуаа зегьы, ишәзеиҕьаҳшьоит аҭынчра, аҭышәынтәалара, аизҳазыҕьара!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа