Ажәабжьқәа

Популярное

Ареспубликатә хәышәтәырҭа хадаҿы аендоскопиатә ҧҟарҭа аатит

585
19.10.2016 14:15
Ареспубликатә хәышәтәырҭа хадаҿы аендоскопиатә ҧҟарҭа аатит
Ареспубликатә хәышәтәырҭа хада ахирургиатә ҟәша аординатор еиҳабы, амедицинатә наукақәа ркандидат Руслан Смыр Аҧсныпресс акорреспондент диҿцәажәо аендоскопиатә ҧҟарҭа ҽыц иамоу алшарақәа ртәы еиҭеиҳәеит.

Аҟәа. Жьҭаарамза 19. Аҧсныпресс. Лана Ҵәыџьҧҳа. Ареспубликатә хәәышәтәырҭа хада аҿы аендоскопиатә ҧҟарҭа аатит. Абри атәы Аҧсныпресс акорреспондент диҿцәажәо иҳәеит аҳақьым-аҧҟаҩы Руслан Смыр.

Уи иажәақәа рыла, ачымазара зкьымсыц ацәеижь аԥырхага амҭакәа ашьадақәа ргәаҭареи, реидҳәалареи рзы алшара ҟазҵо ҿыц ицәырҵыз амедицинатә еиқәыршәагоуп". Руслан Смыр ишазгәеиҭаз ала, иарбоу аендоскопиатә ҧҟарҭа аартразы аҽазыҟаҵарақәа цоижьҭеи акрааҵуан. “Ари аҧҟарҭа, аиашазы аламала џьара иуҧылаӡом. Ҳаамҭа иақәшәо ари аиқәыршәага иҷыдоу аҧҟарақәа рымҩаҧгара акыр иарманшәалоит. Иаарту ахирургиа абас еиҧш, мыцхәы иманшәаламыз ауснагӡатәқәа ацын. Усҟан, еихҵәоу ацәеижьқәа зегьы ассистентцәа рыцхыраарала еиҧшьтәхон. Уи аҧҟара ашьҭахь хҭыҧҟьа ҳасабла, лассы-лассы ицәырҵуаз ацәеижьқәа реилалара иадҳәалоу ачымазарақәа цәырҵуан”, – ҳәа иазгәеиҭеит Руслан Смыр.

Аҧҟаҩы иажәақәа рыла, зыӡбахә ҳамоу аҧҟарҭа ачымазаҩ ицәеижь аҿы иҟаҵахо акылҵәара маҷ аҟынтәи иҩныҵҟатәти ацәеижьхәҭақәа ргәаҭара алзыршо авидеосистема ала ишьақәгылоуп. “Иарбоу аиқәыршәага иабзоураны адассақәагьы ргәаҭара алыршахоит”, - ҳәа иҳәеит Руслан Смыр.

Уи иҟаиҵаз адыррақәа рыла, иацы аԥҟарҭа ҿыц аҿы раҧхьаӡатәи акыр иуадаҩыз аҧҟара мҩаҧган.

Зтехнологиатә ҩаӡара ҳараку аиқәыршәага аахәара Аҧсны асоциал-економикатә ҿиара ацхыраара иазырхоу Урыстәылатәи Аинвестициатә Программа аҳәаақәа ирҭагӡаны, иара убас Аҧсны агәабзиарахьчара Аминистрра иҟанаҵаз адгылареи ирыбзоураны иҟалеит.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа