Ажәабжьқәа

Популярное

Арҩышьыгатә маҭәашьарқәа зинда рырмазеира, раахәара, рыҵәахра, рлага-ҩагара, ма рыҭира азы ҧсраҽнынӡа аҭакреи, ашьра ақәҵареи алагалахоит

47
04.04.2019 15:59
Арҩышьыгатә маҭәашьарқәа зинда рырмазеира, раахәара, рыҵәахра, рлага-ҩагара, ма рыҭира азы ҧсраҽнынӡа аҭакреи, ашьра ақәҵареи алагалахоит
Апарламент адепутатцәа Аҧсны Аҳәынҭқарра азакәантә шәҟәынҵақәак аиҭакрақәеи ацҵақәеи аларгалеит.

Аҟәа. Мшаҧымза 4. Аҧсныпресс. Мадина Чагәааҧҳа. Аҧсны Жәлар Реизара – Апарламент аилатәара аҿы ашьаустә зиндырра аганахьала “Аҧсны Аҳәынҭқарра азакәантә шәҟәынҵақәак аиҭакрақәеи ацҵақәеи ралагалара азы” Азакәан апроект рыдыркылеит.

Азакәан апроект адгалара мҩаҧго, аҳәынҭқарратә политика азы Апарламенттә Еилакы ахантәаҩы Валери Агрба, иарбоу апроект 2018 шықәсазы актәи аҧхьараҿы ирыдыркылеит ҳәа еизаз игәалаиршәеит. “Азакәанҧҵаратә аҧшьгара Аҧсны зинда арҩышьыгатә маҭәашьарқәа реиҭарсра аҿагылара азы адепутатцәа ркомиссиа аусура иалҵшәахеит. Иарбоу азҵаарала аус зуа ахылаҧшырҭақәа рхаҭарнакцәа рааҧхьарала изныкымкәа Акомиссиа имҩаҧнагаз аилатәарақәа рышьҭахь, зинда арҩышьыгатә маҭәашьарқәа реиҭарсра азы асанкциақәа зырҕәҕәо азакәанҧҵара аиҭакрақәа алагаларазы аӡбамҭа рыдыркылеит”.

Валери Агрба азакәан апроект алагала ҿыцқәа дырзааҭгылеит – арҩышьыгатә маҭәашьарқәа зинда рырмазеира, раахәара, рыҵәахра, рлага-ҩагара, ма рыҭира азы асанкциақәа акыр рырҕәҕәара алыршахоит. “Аусуратә гәыҧ иарбоу ацәгьоура азы иҟоу ахьырхәратә усмҩаҧгатәқәа рнаҩс ҧырҟәҟәаагас ҧсраҽнынӡа аҭакреи, ашьра ақәҵареи алагалара ҳадыргалоит. Убри аан, иарбоу ахәҭаҷқәа иарбоу ацәгьоурақәа назыгӡаз ауаа ашьауҕа ақәхра иаҵанакӡом”, – ҳәа иҳәеит иара. 

Иара убас, Валери Агрба иажәақәа рыла, арҩышьыгатә маҭәашьарқәа зыдкыланы амашьына аҧсҟы зку ауаа рыла амҩатә машәырқәа рыҟалара аиҵатәра хымҧадатәиуп. 

Валери Агрба иҟаиҵаз адыррақәа рыла, Азакәан акьыҧхь ахь ианнагахо инаркны азинмчы аиуеит. Азакәнтә нормақәа ракәзар – ажьырныҳәамза 1, 2020 шықәса инаркны. 

Аҧсны Жәлар Реизара – Апарламент аҿы Аҳәынҭқарра Ахада ихаҭарнак Дмитри Шамба азакәан апроект дадгылеит, аха убри аан уи иарбоу уснагӡатәқәак аҧсҭазаараҿы анагӡара шыуадаҩхо азгәеиҭеит. 

Азакәан аҩбатәии аҵыхәтәантәии аҧхьарақәа рҿы ирыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа