Ажәабжьқәа

Популярное

Аполитикатә партиа “Аҧсны ажәлар ракзаара Афорум” Александр Анқәаби Аҧсны Аҳәынҭқарра Ахадарахь акандидат Алхас Кәыҵниеи реидгылара акониуктуртә гәаанагарақәа ирхылҿиааз аамҭалатәи алианс ауп ҳәа аҳәамҭа ҟанаҵеит

55
06.09.2019 11:45
Аполитикатә партиа “Аҧсны ажәлар ракзаара Афорум” Александр Анқәаби Аҧсны Аҳәынҭқарра Ахадарахь акандидат Алхас Кәыҵниеи реидгылара акониуктуртә гәаанагарақәа ирхылҿиааз аамҭалатәи алианс ауп ҳәа аҳәамҭа ҟанаҵеит
Ареспубликатә политикатә партиа “Аҧсны жәлар ракзаара Афорум” аҳәамҭа аланарҵәеит.

Аҟәа. Цәыббрамза 6. Аҧсныпресс. Ареспубликатә политикатә партиа “Аҧсны жәлар ракзаара Афорум”, Александр Анқәаби Аҧсны Аҳәынҭқарра Ахадарахь акандидат Алхас Кәыҵниеи алхрақәа аҩбатәи атур аламҭалазы реидгылара инамаданы аҳәамҭа аланарҵәеит.

Аҳәамҭаҿы, ахәҭакахьала иазгәаҭоуп:

“Иацы ахәылбыҽха еилкаахеит, иуадаҩыз аилацәажәарақәа рышьҭахь, Александр Анқәаби  Аҧсны Аҳәынҭқарра Ахадарахь акандидат Алхас Кәыҵниеи алхрақәа аҩбатәи атур аламҭалазы аамҭакьаҿлатәи реидгылара азы аиқәшаҳаҭра абжьаҵара шалыршахаз атәы.

Абар, зегьы рҭыҧқәа рҿы игылт, зегьы еилкаахеит!

Аполитикатә партиа “Амцахареи”  Александр Анқәаби 10 шықәса инеиҧынкыланы атәыла анапхгараҿы иҟан. Ҳара зегьы ибзиаӡаны иаҳгәалашәоит усҟантәи аамҭахәҭа азы атәылаҿы ишьақәгыланы иҟаз аҭагылазаашьа атәы. Иахьа ҳҳәынҭқаарра аҿы иҟоу  апроблемақәа рҕьырак иара убасҟанҵәҟьоуп ианцәырҵ, миллирд рацәала адәныҟатәии аҩныҵҟатәии ауалқәа уахь иналаҵаны.

Рыцҳарас иҟалаз, уи Алхас Кәыҵниа иштаб зегьы агәра  шыддыргоз еиҧш иҿыцу акакәны иҟам, уи ҧыхьатәи акоманда ҩаҧхьа анапхгарахь анагара аҽазышәарақәа ракәын, убри аан иҿыцу аҩныҵҟатәи аибарххарақәеи аиҿагыларақәеи ацны. Ҳдемократиатә ҳәынҭқарра аҿы аидгыларазы азин рымоуп ауааҧсыра зегьы реиҧш  аиҿкаарақәгьы. Аха иҟоуп даҽа зҵааракгьы – иабанӡҕәҕәоу, насгьы нҵырас иамоузеи ас еиҧш аидгылара, иара убас иацтәи аппонентцәа иаалырҟьаны иарбан идеиоу еидызкылаз. Еилкаауп акы, акониуктуртә гәаанагарақәа ирхылҿиааз аамҭалатәи алианс ианакәызаалакгьы имҩалоу аҧшаҵәҟьагьы еиланарбгар шалшо.

Убри аан, Аҧсны Аҳәынҭқарра Ахадарахь акандидат Рауль Ҳаџьымба алхраҧхьатәи иштаб ахь Аҧсны аҳҭнықалақьи араиоқәеи рҟынтәи шәҩыла ауаа  атәыла иахагыло Ахада адгылара ширҭо ала ҭелла аҳәамҭақәа ҟарҵоит. Иҟоу аҭагылазаашьа ажәлар рҧыза иааигәара еиҳагьы еиднакылеит. Ҳара агәра ганы ҳаҟоуп, цәыббрамза 8, 2019 шықәса рзы имҩаҧысраны иҟоу Аҳәынҭқарра Ахада иалхрақәа аҩбатәи атур аҿы аиааира шааго.

Ҳара ҳагәрахаҵара, имаӡоу аиҿцәажәарақәеи аилаӡарақәеи иарааҧсахьоу ҳауаажәлар рҕьырак, лаҵарамза, 2014 шықәса рзы иҟаз аполитикатә кризис аан зыжәлар ааныжьны ицаз ҧыхьатәи амчра аргьежьра азы акәымкәа, аҭышәынтәалареи ҧхьаҟа ацареи рзы рыбжьы шырҭиуа азы агәыҕра ала ишьаҭаркуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа